المشاركة الأصلية كتبت بواسطة أحزآن أنثى

السلام عليكم

مساء الخير..

اليوم رحت التوجيه ماشاء الله عليهم انصدموا لانه الخطاب ماول للمدرسة

طلعو الخطاب وصوروه لي وقالو لي روحي مكتب شرق الدمام

رحت وكلمتهم قالو انتي المدرسة اللي تطبقين فيها مو تحت اشرافنا

انا كذا بداخلي قلت نعم خير .. قلت لهم اجل تبع منو قالو لي المدرسة

اللي تطبقين فيها تبع غرب الدمام .. ياااليل مطولك قالو لي ارجعي للتوجيه

ورحت للتوجيه قلت لهم اسكتو وقامو يعتذرون عصبت عليهم

قلت شيفيد العذر تعطلت والسبب انتوا والمدديرة ناشبه بحلقي كله منكم خلصوني ماصارت

قالت خلا ولايهمك السموحة مسحيها بوجيهنا والحين نرسل لهم الخطاب ع الايميل

وطلعت ورحت للمدرسه وابوي معصب شوي ويكفخني بسبتهم

وكملت شغلي البنت اللي درست حالتها رفضت رفض تام تجي اكمل معها
وبكرا اكيد هيا راح تغيب ..

وسويت ارشاد جمعي وخلصته الحمدلله وحضرت مع المرشدة ندوة

عاد انا مستانسه لانه من يشوفني من معلمات المدرسة يسأل المرشدة منو الاخت

ومن اتكلم بعرف نفسي تقول المرشدة خليني اتفشخر عليهم

المهم بكرا بحضر حصة نشاط مع المرشدة وشسمه ابشركم حصلت ختم وتوقيع

ع الاتزام والمباشرة و الخطاب لسه ماوصلهم