|
العيون تجوع لك جوع والله العظيم ..؟
بسم الله والصلاة على رسول الله
صباحكم ومسائكم جوري
قصيده للشاعر ضيدان بن قضعان واظن انها قديمه ولكن انا اول مره اقرائها وجازت لي بصراحه وحبيت انقلها لكم واعتذر ان كان تم نشرها من قبل ...
هيه ياللي غرّك الليل واغراك النديم ..
هيه يالي هزّك الشوق والمسرى ضياع ..!
وقــّفي بين الخطا والصراط المستقيم ..
والعبي بين التراحيب وكفوف الوداع ..!
وسولفي مثل المشاريه في صوت الحشيم ..!
واسكتي مثل الشفايف لياطاح القناع ..
واضحكي مثل النواوير في روضة خريم ..
واغرقي مثل المزاجات في غرب الرفاع ..!
وابعدي مثل المتاهات في حلم اليتيم ..!
واقربي بين السوالف وكتفي والذراع ..!!
وانظري لي نظرة الشوق للشي القديم ..
واغرقي بالدمع الازرق مظاليل وساع ..!
واصبري مثل المسافات في( صبر الحليم) ..!
واسمعي صوت الهوى يوم فليت الشراع ..؟
يوم صرتي عود ريحان وارضاي النسيم ..؟
اصبري يانجمة الصبح ما للصبح داع ..!
قد طلبت الله وانا بين زمزم والحطيم ..؟
شوفتك يا أغلى ثنيـّـه ليا صرتي رباع ..!
العيون تجوع لك جوع والله العظيم ..؟
والعشا فعيونك السود وعيوني جياع ..
إن عطيتي ..؟ مايرد الكريم إلا اللئيم ..!
وان بخلتي قلت تكفين والدنيا متاع ...؟
اقربي مثل التباشير في وجه الكريم ..!
وابعدي مثل التعازي على موت الشجاع ..!!
أفّ.. يا كبر الأحلام اللي على بالي وشفّي
وأخّ.. يا راسي من التفكير في مالا يشونه....
وأحّ.. يا حرّ انتظاري للقبول من المقفّي
وآه.. يا حبٍّ عطيته ناس ما يستاهلونه....!
تحياتي...
|