لا تكشف جروحي وتقول ابغى اداويك
جروحي دواها البعد ارحل وخلها
ياما جروحي نزفت من ذكر طاريك
وياما عيوني سافر النوم عنها
ياصاحبي ماعاد روحي تناديك
لاتفتكر للحين حبك سكنها
ياما رجيتك تلتفت يوم باقيك
وياما دموعي اشتكت زاد همها
اذكر ليالي عشتها كنت اباريك
مثل الطفل للأم يعشق لبنها
ارجوك تبعد دامني الحين ناسيك
وارجوك لاتكشف جروحي وكفنها
ارحل ودور من تحبه ويغليك
ماعادت اشواقي مثل ماتظنها
الله حسيبك بعتني يوم شاريك
وارخصت في حب بروحي سكنها
خل الجروح الساكنه ماعاد تعنيك
جروحي نست حبك وش تبغى منها
ان كنت لي مشتاق ارجع لماضيك
مابي جروح الامس تدفع ثمنها
ماعاد تنفعني ولا لي نفع فيك
مير الفراق احسن طريقه نسنها
لاتكشف الماضي وتقول ماضيك
ارحل وخل الروح تنسى حزنها
مِــــمـــا راااااق لــــــي