اسمع من المنطــوق شيٍ يســرّك
وابعـد عن الهــرج الــردي لاتحلاّه
واللي يمـــر النّـاس لازم يمـــرّك
من زين والا شـين لابــد تلــــقاه
دنيا. المظـاهـر انتــبه لاتـــغرّك
كـم واحـدٍ مبلـي وكـم واحـدٍ تـاه
وكم واحـدٍ في هرجـته لك يسـرّك
وكم واحـدٍ هــرجـه قلـيلٍ حلايـاه
والصاحب اللـي للمـشـاكل يجـرّك
ابـعد عن دروبه وخــله لـممــشاه
وجنب عـن العـالم بخيرك وشــرّك
خص السفيه إن ضايقك لاتحـــداه
واذا بغيت الشــور واللـي يبــرّك
شاور سديد الراي واحـذر تعـداه
واعرف صديقك يوم تعطيه سـرّك
واحذر من اللي لاسمع سرك افشاه
ترى الزمـن يقلب علـيك ويضـرّك
وكـلٍ على رايـه وكيفـه ومشـهاه