وقتها بنقدر نستقدم سواقات من الخارج
واجيب للوالدة سواقه بدال سواق
وتشوف سيارات العوائل مكتوب عليها (سائقة تحت التدريب) << مستانسين بسواقتهم الجديده :D
ومايصير لنا حاجه نستقدم سواق ذكر
واللي عندها خير وتبي تشتري سيارة لها ولا اللي يبي بنته تسوق بنفسها .اكيد بيكون مربيها احسن تربيه وهو نفسه اللي الان مخليها تروح جامعتها و سوقها و بيت عمتها وخالتها وي شي برا البيت.
قيادة المرأه للسيارة ذكرني بنفس نقاش هل المراه تنعطى جوال!
هل انت مع ان المراه تطلع شريحة جوال باسمها....!
كلها راح تلتقي بمحور التربية و الاخلاق والشخصية اللي تعكس دورك انت كأب و رجل و أخ.ودورك تجاه المرأه
والمحور الديني اتفقو فيه ان الإجازه و التحريم تكون حسب الاستخدام وليس تحريم الوسيلة نفسها.
ليست كالسحر مثلا محرم كوسيلة او حتى لو كان غاية للتعلم او العلاج فتم تحريم علاج السحر بالسحر.
بعدين خل نبدا نفكر شلون بنتكيف مع الوضع لا ساقو لايضيع الوقت كله في محاولة المنع اولا و اخيرا بتسوق لازدياد الحاجه و وبضوابط الدولة
تذكر يوم
قالو ادفنوهم و بعدها تم النهي عن وأد النساء
قالو اكتمو اصواتهم بعدها صارو عالمات و شاعرات و تاجرات و زوجات صالحات و صحابيات
قالو خلوهم في بيتهم بعدها شاركو في معاونة المجاهدين في الغزوات
قالو اقعدو في بيوتكم بعدها تم ادراجهم في التعليم والطب والعلوم المختلفه
قالو لاتشتغل بعدها صار مايبيع للحريم الا حريم وتم تانيث محلاتهم
قالو لاتدخل بالسياسة بعدها تم تعيينهم في مجلس الشورى و فتح المجال لهم لتكوين مجالس بلديه
قالو لا تدخل بالرياضه بعدها شاركت المرأه في الومبياد لندن
قالو مالها و مال القانون بعدها نزل قرار فتح المجال للترخيص للمرأه للعمل كمحاميات
^^ تبونها تسوي كل ذا مشي ولا بتكسي..ولا أجيبلها سواق و ازوجهم عشان يصير لها محرم!؟ اكيد انها تبي تطالب انها تروح و ترجع بسيارتها.
اخاف نفتي و نقول المراه لو عطيناها جوال و لابتوب و سيارة بتصير فاجرة..زي فتاوى تويتر..اولا و اخيرا الدولة ماتربي بناتنا ولا هو شغلها. محشومين طبعا بس اللي يشوف خواته فيهم قل دين او قل تعليم ولا قل تربية ومالهم حاجه بالسواقه لايخليهم يسوقون
واللي لها حاجة للسواقه خل يسوقون دام مالها رجال يعينها.
لانقارن المراه في زمن الصحابة بالمراه في زمننا الحالي....قارن هل انت رجل كالرجال في زمن الصحابة...!؟