المشاركة الأصلية كتبت بواسطة حامِدة بالمناسبة عبارتي و إن كانت موجزة إلا أن في ثناياها قضية عظيمة تتعلق بكل امرأة سعودية . على سبيل المثال فتى وفتاة في نفس العمر .. أكاد أجزم أن 85% من ذكر معارض لقيادة لالمرأة هو نفسه الذي : ........ .... ....... من المآسي إذ في كليهما القانون والعرف مامن ضامن-حقيقي- لحقوق المطلقة حتى المحاكم إذ الكل يدرك جودتها عندنا يا سبحان الله . حسناً ..أخبروني الآن أو لا تخبروا ..:) إذا أخطأت في قراءة هذا المجتمع الذكوري الذي يحتاج لقوانين مدنية تهز وتزلزل" حس الأمان" من كل العواقب الراسخ لدى كل ذكر ..قوانين تجعله يحسب ألف حساب قبل أن يهم بفكرة طاغية يهضم فيها حقا للمرأة .

^^ كلام كالسيف..تستاهلون محد قالكم تدخلون بقضايا المرأه انت وياه. خلو حيلهم بينهم
كل هذا فقلبك على الرجل السعودي
ولو تركنا قيادة المرأه و دخلنا على حقوق الرجل ترا بنشوف ان الرجل السعودي مهضومه حقوقه اكثر من المرأه.

في نظام متبع في شركات التسليف و البنوك وهو عبارة عن اصدار أمر مستديم بخصم مبلغ من حساب الرجل شهريا و آليا لحساب الرجل الاخر او المدين حتى يضمن الرجل ان لايضيع عليه ريال واحد من ماله من حق الرجل السعودي ما تتأخر مستحقاته الماليه.

في الدين أدلة على تحريم التدخين بس الرجل السعودي استحدث نظام في المطار اذا الرجل السعودي يبي يدخن..تم فتح غرف تدخين حتى لايخرب مزاج الرجل بانتظار رحلته من حق الرجل السعودي يروق بكل وقت

في فتاوى بخصوص ملابس الرجل السعودي حيث ان الاغلب يفصل الثوب الى الكعبين و ادنى بس الرجل السعودي يستدل بآيات (ان الله غفور رحيم) من حق الرجل السعودي يلبس اللي يبي

في يد الرجل السعودي جوالين و لابتوب و سيارة بس عنده اخ او اخت او ام او زوجه ما حجت للحين من وين يدبر 5000 ريال؟. من حق الرجل السعودي يترفه
يشوف مباريات و يلحق على جمعة الاستراحه او يخلص مشاويره .. ولو اخته او امه مسوية عزيمة بالبيت او
محتاجين شي بالبيت هم غير ملزم يقضي حوائجهم . من حق الرجل السعودي يدوج على راحته.


في الغرب و الشرق او ممن لايتكلمون اللغة العربية مسلمين كالبوسنه و الهرسك و مسلمين الاتحاد السوفييتي سابقا و بورما وغيرهم اشهرت الاسلحة عليهم و تعرضو لانواع الابادات و التعذيب وابشع صور ضرب لاطفالهم امام امهاتهم ..و الى اليوم كل ماقالو لهم اتركو الاسلام قالو لم ولن نتخذ غير الاسلام دينا... والرجل السعودي جالس تحت المكيف يقول الغرب والغرب واحنا دينا اقوى من الغرب. الرجل السعودي أبخص و دينه اقوى منهم ومن حق الرجل السعودي يقول الغرب و الشرق.



المرأه المطلقة خلها تفحط ورى الامارة و المحاكم وتجيب شاهدين و مزكين عشان 500 ريال أمرت بها المحكمة كنفقه لها ولابنه من سنين.
ان شالله تبون الرجل السعودي يسوي لكم تحويل آلي كل شهر من راتبه ولا يحط تحويشة العمر نفقه لطليقته وولده؟؟

الرجل السعودي يشتري تلفزيون و رسيفر و ايباد صناعات اجنبيه وشماغ صناعه اجنبية و قماش الثوب صناعه اجنبيه و ملابس و مستلزمات صناعه اجنبيه و يركب سيارة صناعه اجنبيه و يجلس بالمكتب ابو صناعه اجنبيه و يفتح لابتوب و برامج صناعه اجنبيه و يكتب :الاجانب دخلو قلوبنا و بيوتنا لتخريب عقولنا.. من حق الرجل السعودي يستغل و ينقد. اجل تبونه يصنع و ينتج؟
من حق الرجل السعودي ان يتمتع بحقوقه .. باقي الامور ... خل الدرعا ترعى




الله يوفق الجميع