|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
للقوافي في مجال الشعر ذوقٍ وإحتـراف
وللقصايد تـاج عـز وللمعانـي ترجمـه
وللمشاعر شكل آخر بين ثبتٍ وإختـلاف
بين فرح وبين جرح وبين حاجه مبهمـه
حكمة العقل المدبر يوم ساقه نبض قـاف
أنتشى به كل فكـرٍ ف العقـول الملهمـه
هندس الحرف وتميّز يوم ضم الإكتشـاف
مركز الإبداع يعمل من مصـادر محكمـه
العب بحرفي واحول حالته ليلـة زفـاف
حالة ٍ صعبة حزينه بالشقـا والمشئمـه
كاسب ٍ دوم الجزيله قاطعٍ راس الضعـاف
واسمٍ خد القصيد اللـي عليـه المكرمـه
من بعدها والمشاعر طافت بصدري طواف
أحرمت بالشوق كله حيها مـن محّرمـه
كنها ثبت العساكر يوم صفـت برتصـاف
والقوافي مقبلة لي بين مشـي ودرهمـه
شفها نسج الفرايد مـن معاليـقِ نحـاف
ترسم بصورة خيالٍ قبل رسمـي مبهمـه
في جمال الترف سحرٍ قبل أعرفه مايشاف
موتٍ أحمر في عيونه والحيـاه بمبسمـه
في خدوده وردتينٍ عانقت خشـمٍ رهـاف
والهدب سيفٍ تسله من عيون مسلهمـه
والمشي فيه التغنج والدلع فيـه إعتـراف
إنه أجمل من جمالٍ سطـره فـي ملحمـه
بنقشك بحروف شعري فوق طبعات الغلاف
دام دونك كل شيِ فـي حياتـي مفهمـه
حل وسط الصدر كلك خل عنك الإنتصـاف
وأسكن بقلبٍٍ يـودك كـان ودك ترحمـه
|