لأني قنوع بما كتب ربي وسويت جهدي
وأدري بهالدنيا معي لأقفيت عنها ذالفة
أنهي مسافاتٍ خذت رجلي وأعود وأبتدي
نفس الحكاية والنهاية والعلوم السالفة
وأحلامي اللي عشتها ماتت على حطّت يدي
لين أصبَحت عوَج الحنايا للهموم موالفه
والغلطة إني فالثرى مخلوق وأحلم فالجديّ
ياكبر حلمي والظروف ليا أقبلت متخالفة
كنت أحسب إني فالطريق اللي مشيته مهتدي
وأثر الظروف القاهرة على ضياعي حالفة
يارب سترك وأرحم اللي مارجا الحظ الردي
دام الزمان المعتبر ماعاد عنده سالفة