شجون ..
اعذريني لو اعترضت على بعض تصرفاتك ..
وكلامي كله اللي بقوله لا اقصد فيه سوى النصيحه ..
ان اصبت فمن الله وان اخطيت فمن نفسي والشيطان ..
/
اولاً : هي بنت عمك يعني قريبه جدا جدا ..
ف صعبه تبقى الامور مثل ماقلتي ,
الخطأ اللي سويتيه بنظري هو البلوك + مسح الرقم ..
اعتقد انك سويتي هالشي علشان ترضين نفسك ,وتخففين عن نفسك ..
شي قووي وصدمة قويه لما علاقتك تهتز مع شخص عزيز ف طبيعي ردة فعلك بتكون ارضاء لنفسك ..
ياما وياما حصلت مشاكل بين الاقارب .. لكن خيرهم اللي يبدأ بالسلام
مثل ماقال الرسول صلى الله عليه وسلم ..
ف انتي دائماً كوني سباقة حتى لو انك ماخطيتي في شي وواثقه انك ماخطيتي اعتذري
بعض الناس اذا صار بينهم سوء تفاهم كل واحد فيهم اعرض عن الثاني وكل واحد مايسمح لنفسه ينزل مستواه للثاني < شي غريب ..
/
بالنسبة لبنت عمك اجلسي معها لحالكم شوفي وش بخاطرها وشوفي وش اللي مغيرها
تكلمي معها وقولي لها احاديث وايات عن العفو والمسامحه ..
ترى مثل هالكلام يأثر بالواحد ..
بعد كم يوم اهديها واكتبي عبارات بسيطةة واعتذار ..
ترى مافيها شي لو اعتذرتي مثل ماقلت لك , لاتقولين ماسويت شي ومانيب غلطانه
رجعي رقمها بالواتس حتى لو هي مبلكتك ..
حاولي تحسسينها انك للحين تعزينها ولها مكانه وماتجاهلتيها , اعزميها ع قهوه ع عشا اي شي
سوي مثل ماكنتي تسوين قبل ..
/
انا وضعت نفسي مكانك ,وكل اللي قلته لك اسويةة ..
راح تخجلين كثير من الناس بهذا التعامل , لإنك اذا شفتي منهم سيئه وعاملتيهم بالحسنى
راح يخجلون من انفسهم ..