إلى اللقاء

خلاص وش عاد باقي يانظر عيني
بكرى بسافر ولا ظنّيت به جيّة

بمشي مع الليل والغربة عناويني
ماودّي أرحل ولكن صارت النيّة

بودّعكم والمدامع منكم تبكيني
في الموقف اللي به الكلمات عفوية

بودّعكم والمشاعر بكم تعزّيني
في دفنة الحب وقلوب الهوى حيّة

سيلٍ من الدمع به شيٍ معنّيني
واحلى الليالي كما الصفحات مطوية

واللي من الهم فيني منكم يكفيني
حلّ الفراق وليالي الحب منسية

باخذ معي صورتكم يمكن تسلّيني
وقصايد الحب في شارعكم مرميّة

وأنقش حروف أسمائكم بقلبي وبيديني
وأكتب قصيدة وأسمّيها الوداعية