|
بنات ثاني انجليزي الرجاء الدخول للضرورة القصوى
CENTER][/CENTER] بسم الله الرحمن الرحيم
والصلاة والسلام على المبعوث رحمة للعالمين أما بعد
اخواتي طالبات ثاني انجليزي احنا مثل ماتعرفون حصل لنا من التاخير الترم الاول كثير هذا غير الضغط بالمنهج واوجه كلامي خاصة للحاملات او الباقيات ب 4 مواد عني انا اتكلم بلسان وحدة من اعز صديقاتي الله يكون بعونها سقطت ب5 مواد من بينهن مادة الشعر حقت سنه اولى المشكله البنت الله يعينها ماتدري وش وضعها اللحين ولا انا عارفه اساعدها كيف ؟ وبالنسبه للي مثل وضعها شي طبيعي تكون باقيه بس اللي مثلا تحمل من مواد سنه ثانيه 3 مواد وسنه اولى مادتين اللي هم الشعر والمسرحيه شنو راح يكون وضعها صراحة حرام تبقى لان المادتين لسنه اولى وكمان مو من المعدل واذا بقت مارح تدرسهم السنه اللي بعدها لان البنات دارساتهم خلاص ... انا قريت عن موضوع الاخ ابو احمد اللي هذا رابطه
http://www.ckfu.org/vb/showthread.php?t=10371
قلت لها ارفعي تظلم بالمواد اللي حاسه انك انظلمت بهم البنت ماعطتني اجابه واضحه تقول انا حاسه اني حليت عدل واللي توقعته مادتين بس مو خمسه البنيه على قولتنا ((على باب الله ))(( تقول لي اقدر احل المشكله مع الاستاذة بدون ماارفع فيها تظلم ( نيتها صافيه الله يعطيها على قد نيتها ) وقالت لي ان الاستاذة راح تعرف من اللي رافع فيها التظلم وخايفه ))\
قلت لها عنه مع اني ما ادري هو خاص بس بالفرقه الاولى او لا مع اني ودي يشمل حتى سنه ثانيه مراعاة لظروفنا اللي حصلت والضغط اللي جانا وهذي الفقرة اللي تخدم الباقيات ب4 مواد:
تمديد مدة الدراسة ساعتين يومياً لـ «المُتعثرات
»
درست اللجنة الدائمة للشؤون الأكاديمية لكليات البنات تمديد الدوام الرسمي ساعتين إضافيتين «في حال الضرورة».
كما أوصت بأن «يتم إنزال مقررات الفصل الدراسي الأول، التي يكثر فيها الرسوب إلى الفصل الثاني».
وحدد القرار النسبة المئوية للرسوب في مقررات الفرقة الأولى في القسم «بعد ظهور نتيجة الفصل الدراسي الأول للعام الجامعي 1428/1429هـ مباشرة». كما «حصر مقررين من المقررات (بخلاف المقررات العامة) ذات نسبة الرسوب العالية، لتدريسها للطالبات الراسبات في هذين المقررين في الفصل الدراسي الثاني، على أن تكون الأولوية في حصر هذين المقررين لنسبة الرسوب العالية، ثم لمتطلبات الفصول الدراسية».
كما قرر «تخصيص مواعيد لتدريس المقررين في الفصل الدراسي الثاني للعام الجامعي 1428/1429هـ، بحيث يكون تدريس هذين المقررين بعد نهاية الجدول الدراسي الأساسي للفرقة، ويمكن الاستفادة من المواعيد الشاغرة في الجدول الأساسي، إذا سمحت كل الظروف بذلك. وسيستمر العمل بهذا في جميع الفصول الدراسية المقبلة».
http://ksa.daralhayat.com/local_news...d9d/story.html
يعني لو (اعوذ بالله من كلمة لو ) طبق هذا النظام راح يعملون بحث بالمواد اللي نسبة الرسوب فيها كبيرة راح يكتشفون ان مادة تاريخ الادب هي اللي فيها نسبة رسوب كبيرة واللي تعدت الخمسين بالمئة الى الستين بالمئة على قولت بنات ثقات على لسان استاذة المادة نرجع للموضوع الباقيات ب4 مواد من بينهم شي طبيعي تاريخ الادب راح يفتح لهم هذا القرار باب الامل بحيث يدرسون مادة الادب الترم الثاني والباقي محمول ويطلعون من سنه ثانيه والقرار يفيد حتى الحاملات 3 مواد من بينهم الادب لان راح يقلص عندها عدد المواد المحموله الى مادتين (وهذا راح يخدم صديقتي لانه الشعر راح يكون محمول من سنه اولى ماله علاقه بسنه ثانيه والمواد اللي هي باقيه فيهم راح يتقلصون الى 3 يعني محمول )
عذرا على الاطالة بس والله الموضوع مهم جدا طير النوم من عيني الله يكون بعونها من جد وش اقول لها اللحين اذا سالتني عن وضعها الله يستر هي ماتحب المشاكل ولاتحب تقحم اهلها بمشاكلها
ادعو لها( الله يفرج همها ويكشف ضرها ياااااارب )
ااااااااااااااامـــييين
حسبنا الله ونعم الوكيل
لاحول ولاقوة الابالله
هذا والله أعلم وصلى الله وسلم على سيدنا محمد
|