|
تـــبي تنسـى !!
 
.
.
.
.
.
.
على بيض الورق بكتب مشاعر واحدٍ يهـواك.......كتبها صادقٍ مثل البياض اللي علـى أوراقـه
كتبها والسكون اللي غشى ليل الحـزن هـذاك........بيشهد له ويشهد لـه غزيـر عيـون دفاقـه
مشاعر شوقه الوافي وقلبٍ ما نسـى ذكـراك........يزوره لا شرق نوره وغاب وعـاد مشراقـه
على باله تجي دايم تنهّـت مـا حـلا ملفـاك........يعيش بعالم الذكـرى تحسّسّهـا مـن أعماقـه
يمـر بسجتـه يـوم ٍ تديـره دورة الافـلاك........إلي يوم الوداع اللي قتل شوقه مـن أشواقـه
يموت بماقفه دايـم و دايـم لا ذكـر ممشـاك........ظنونه تسأل عيونه يا كيف إن الهجـر ساقـه
مسافة بينه وبيني واصوّت بالندى مـا (قسـاك)........نعم ما اقساك يا شوقٍ مرار الهجر مـا ذاقـه
على هونك تجي زعلان وتسرع عبرتي لرضاك........تقابلها تقول إنسى ؟! نسيـت اقلـوب توّاقـه
تبي تنسى نعم إنسى ولكن صعب أنـا أنسـاك........يا كيف أنسى ومن ينسى سليمٍ واحـدٍ عاقـه
قضيت اسنين في حلٍ وترحـالٍ غـدت ويّـاك........سنين أعجاف طاويها أنـا ويـاك فـي فاقـه
عمر يمضي وأحلامٍ تسابـق ترتمـي بلامـاك......تلاشت أنطفا ضي السنيـن ومـات باحداقـه
غرامٍ بالحشا يهدي زهور العمـر فـي يمنـاك......تبادل ما مضى بيدك يموت الزهر واوراقـه؟؟
خسارة رحت للماضي خسارة والـذي سـوّاك.......ولكن ما بها جـدوى ونـار الشـوق حرّاقـه
نبي نرحل ونتناسى ومنّي مـا يجـي طريـاك........ومنّك بس .. أبي قلبي تحـل وترخـي وثاقـه
.
.
.
.
.
.
.
.
التعديل الأخير تم بواسطة تروبادور ; 2014- 4- 2 الساعة 09:43 PM
|