هلا بك شوق
شوفي بأبدأ معك بالبرمجه الخطية أفهميها وبعدين ربي يقدرني وأفهمك الرسم البياني
(البرمجة الخطية ) ((( وبالمختصر المفيد )))
س / كيف نحدد المتغيرات بالمسأله ؟؟
ج/ نشوف السؤال هل مصنع ينتج ؟ ، هل حافلات تنقل طلاب ؟، هل مثلا يصنع طاولات ؟ ، يعني على حسب تعبير المسأله
فمثلا مصنع ينتج نظارات نسائي ورجالي ، (المتغيرات ) هي النظارات الرجالي ونرمز له x1 والنظارت النسائي x2
طيب مدرسة تستعد لنقل 400 طالب وطالبه ، والمدرسه تبي توفر حافلات كبيره ل 50 طالب ، وحافلات صغيره تتسع ل 40 طالبه
(المتغيرات ) هي الحافلات الكبيره نرمز لها بالرمز x1 ، والحافلات الصغيره x2
س/دالة الهدف شنو المقصود فيها ؟ شنو معناها ؟
ج/ دالة الهدف عندنا نوعين بس لا ثالث لهما أما تعظيم أو تدنية ، التعظيم يرمز لها بالرمز Max ، والتدنيةنرمز لها بالرمز Min
طيب كيف نحدد التعظيم والتدنية بالمسائل ؟؟؟؟؟!!
ولا أسهل منها اذا كان بالسؤال شي أسمه ( ثمن ) على طول هذا معناها تعظيم ، أما اذا بالمسأله فيه (تكلفه) على طول هذا معناها تدنية