ملتقى طلاب وطالبات جامعة الملك فيصل,جامعة الدمام - عرض مشاركة واحدة - محتوى مقرر الاساليب الكميه عجزت افهمها والحل ؟؟

صمت الرح ـيل · 2014- 4- 5

اقتباس:

المشاركة الأصلية كتبت بواسطة الغالي النفيس

باااااك

بسم الله الرحمن الرحيم

بالنسبة ياشوق للرسم البياني ، ماراح تكون فيه (رسمه ) راح يكون السؤال بخصوص موضوع الرسم البياني دالة الهدف وعدد 2 معادله وأخيرا قيد عدم السالبيه فقط

طيب ...

Max=6x1+4x2 هاذي دالة الهدف

10x1+10x2<=100 هاذي المعادلة الأولى

7x1+3x2<=42 هاذي المعادله الثانية

طبعا أعتذر في المعادلة الأولى والثانيه طلعت أول الأرقام بالعربي بس ماعلينا أهم شي نفهم ، طبعا مو 7 ضرب 1 أنتبهي ياشوق ذي 7x1 (أكس 1) علشان لاتتخربطين

أوك طبعا وأخر شي بالسؤال في قيد عدم السالبيه x1,x2>=0 هاذي قيد عدم السالبية

طيب

نبدأ الدرس

حطي في بالك أنو ماراح تستخدمين دالة الهدف ولا قيد عدم السالبية نهائيا بالحل

شنو طيب الأسئلة التي تبي تجينا بخصوص هذا الموضوع ؟؟؟!!

الأسئلة هي عبارة عن قيود تتقاطع مع x1 , ومع x2

أوك ...

تاخذين المعادلة الأولى 10x1+10x2<=100

لازم تسوين لازم تسوين أول شي كذا

لاحظي اللحين الترتيب هذا بخصوص المعادلة الأولى ، لازم بالجدول نبدأ من فوق الى تحت يعني نحط ( صفر ) أجباري من عندنا بالترتيب اللي مسويه أنا يعني صفر فوق يسار وصفر تحت يمين، بعدها نقسم 100 اللي بالمعادلة على العشرة الخاصة بال x1 ، 100 على 10 = 10 نحطها في المربع الثاني بالصف الأول الخاص بال x1 ، بعدها نروح لل x2 اللي بالمعادله الأولى وبنفس الطريقه نقسم 100 على 10 كمان يطلع عندنا = 10 نحطها بالمربع الأول بالصف الثاني الخاص بال x2
ممتاز حطي في بالك شي مهم جدا جدا جدا أي نقطة لازم تكون كذا (x1 , x2)
وليس (x2,x1) خطأ فادح وماراح تحلين أي سؤال بالقيود ( أنتبهي )
الأسئلة بتكون جذي
القيد الأول يتقاطع مع x1 في النقطة أيش؟؟؟؟؟
(0,10) أو (0, 10) ( 0 ، 0) ( 100 ، 10 )
هاذي الخيارات
مو قلنا أنه لازم بعد مانسوي الجدول لازم نسوي أنه أي نقطه تكون x2),(x1
أوك أذا في السؤال قالنا قيد يتقاطع مع x1 أعرفي أنه لازم يكون مكان x1 رقم وليس صفر
طيب ، انروح للجدول ونشوف الصف الأول شنو الرقم اللي فيه ؟؟ فيه رقم 10 أجل نحطها مكان x1 ومكان x2 صفر
طيب لو سألنا القيد الأول يتقاطع مع x2 في النقطه شنو ؟؟؟؟
على طول نجيب قوسنا اللي فهمنا ترتيبه ونقول (x2,x1)
على طول شنو قالنا بالسؤال القيد الثاني اللي يتقاطع مع x2 لازم يكون مكان x2 رقم وليس صفر يعني ( 0،10) وليس (10,0)

طيب اخوي في محاضرة رقم سته فيها 3 طرق ومن ضمنها الجدول وشكل قياسي ماادري شنو ممكن اذا ماعليك امر تشرحها لي واكون شاكره لك