|
اسمـع كلأمي زيـن يمكن تحـس بشي ....
صراحه خاطره روعه
وكلامها واقعي بمعنى الكلمه
اترككم مع آلخـآطره
اتمنى تعجبكم
يا سيدي الفاضل
ممكن ثلاث اربع
لحظات
من فضلك؟
ودي افضفض لك
اشياء في صدري
ودي اسولف لك
يمكن تساعدني
وتحس باحوالي
يا سيدي الفاضل
يا سيدي الفاضل
خل القلم لحظه
واسمع كلامي زين
يمكن تحس بشي
حسيته بقلبي
ادري بوقتك زين
غالي وما يسمح
لكن وش بيدّي
أخر حلولي أنت
يا سيدي
لاهنت
يا سيدي الفاضل
إنسان انا عادي
مثلي مثل غيري
في مقتبل عمري
درست من صغري
عشرين عام ادرس
مرات ما أنجح
بس ادرس وأنجح
يا سيدي الفاضل
في الجامعه عانيت
مثلي مثل غيري
مرات كنت اصحى
بدري عشان ادرس
واتفقده جيبي
كان الفقر
عيبي
وما كنت احصّل فيه
شيٍ يسد الجوع
أو يكفي البنزين
واجلس كذا
مقهور
اتخيّل الدكتور
لاحضّر الاسماء
من غاب
أو من جاء
واتخيّله لا قال
(( الواد دا راسب ))
يا سيدي الفاضل
ما ودي اتفلسف
وقتك أعرفه زين
واعرفك هم مشغول
عندك حفل خيري
لا تلبسه بشتك
اسمعني بس شوي
يا سيدي الفاضل
في الجامعه عانيت
مثلي مثل غيري
لكني اتخرجت
معدلي مقبول
تدري السبب وشهو؟
ما كنت اغش بيوم
ولا رشيت بيوم
وابوي ما قد كان
في مركزٍ مرموق
يا سيدي الفاضل
بعد التخرج رحت
أحقق امالي
من ديره لـ ديره
أدوّر الخيره
ابغى وظيفه وبس
عشرين عام ادرس
معقول ما اتوظف؟
عامين مرت بي
ايامها كانت
من سيئه لااسوء
يا سيدي الفاضل
ما جيت ابي شرهه
رفضت لاخذها
من أقرب اقرابي
ابغاك تفهمني
يمكن تساعدني
والقى وظيفه وبس
يمكني اتزوج
واعلّم اولادي
يا سيدي الفاضل
يا سيدي الفاضل
يا سيدي الفاضل
تدري
وش اصعب شي؟
تموت وانته حي !!
شفني كذا وافهم
عايش وانا ميت
جالس بوسط البيت
مثلي مثل أختي
عايش على المصروف
يا سيدي
الفاضل
تقبلو تحياتي اخوكم
نــــوافـــ الــقــح ــطــانـــي
|