ملتقى طلاب وطالبات جامعة الملك فيصل,جامعة الدمام - عرض مشاركة واحدة

شوق@ · #1 2014- 4- 8

مسائكم / صباحكم ورد

هنا بإذن الله بتكون مذاكرة جماعية لمادة قضايا ثقافية معاصرة
طبعاً بديت بمادة سهلة عشان تنفتح نفسي ونفسكم للمذاكرة و موادنا كلها إنجليزية
فحاسين كلنا بالخمول و الكسل وبصراحة قسمنا أول مره أشوفه من دون تفاعل غير السمسترات السابقة
وهذا السببب يرجع لكلمة "ما أقدر" "أخاف تزعل لو أضفت شيئ بالموضوع"
يا ناس خلو الدنيا تمشي بسهولة و انسيابية
صحيح إي فتحت موضوع لكن مايضر لو تشاركنا بالمهمة
مافيها شيء اذا حطيت اسئلة و انتم تحولونها في وورد أو بي دي إف
العام فتحت مراجعة لمادة الحضارة الاسلامية و ماشاء اللله الكل تفاعل ناس نسقت اسئلة مع اجوبتها
وناس حطتها في وورد و الثاني حولها بي دي إف وحلينا اسئلة العام الماضي 70 سؤال و 50 سؤال
وفي مهمة جديدة انكم تسوون كويزات على الاسئلة (أقلها عشرة اسئلة )اللي تنطرح وتنكتب باسمكم أنا من ناحيتي ماعندي مشكلة لوكتبتوا اسئلتي حولتوها كويزات أو اسئلة مراجعة أهم شيئ نسوي شيء لربنا
هذا علم و" من كتم علماً ألجم بلجامٍ من نار "الجديث قوي و والعقاب أصعب يلا همتكم انقسموا:
اسئلة و كويزات و ملخصات (أهم المهم من مادة قضايا)
لا تقولون مانقدر "كلكم راع وكلكم مسؤول عن رعيته "وهذه المادة تتكلم عن الاسلام و الرسول عليه الصلاة و السلام قال :"بلغوا عني ولو بآية" حطوا تحتها مليووووووون خط
بعد هالخطوة بنفتح موضوع يخص القضايا و نحط الأسئلة و روابط الكويزات كل شيء يخص هالمادة بدون ردود عشان ما تضييع الصفحات ونفس الشيئ في كل المواد يلا همتكم لا تخلون مستوى رابع يقولون عن دفعتنا هذه اسوأ دفعة مرت بهالقسم

بالتوفيق

أي وقت ادخلوا و ذاكروا المذاكرة الجماعية تجيب 100% في الاختبار