بسم الله الرحمن الرحيم

السلام عليكم ورحمة الله وبركاته

نداء الى جامعتنا الكريمه ودكاترتنا الاعزاء ، يروق لي ان ارسل لكم بعض مما يدور بخلدي واعاني من تكراره ومتاكده

ان الكثير من الطلاب والطالبات يعانون معاناتي ، اولا اذكركم بقول الله تعالى ( ربنا لا تحملنا مالا طاقة لنا به )

اقبلنا على الاختبار ونحمل في قلوبنا هم لا يعلمه الا الله، اتدرون ماهو ؟ ليسس بهم الاختبار ولاكن نحمل هم

غموض الاسئله والاستعجاز

فنحن نعاني من الكثير في هاذي الجامعة من حين سجلنا بها الى وقتنا الحالي فنرجوا ان تنظرون في امرنا اول

شي نبيكم تفكرون فيه ، حن وش بنسبة لكم يوم تسوون فينا كذا ؟؟!!!! ، والله ان الله يرانا ويراكم ويعرف نوايانا

ونواياكم

اذا الدعوا تحدي او استعجاز فوالله ما سجلنا في الجامعه من اجل هاذا

احنا هدفنا نسجل في هاذي الجامعةلاجل ان نتعلم وناخذ شهاده فقط، يا اعزائي اتقوا الله فينا والله تعبنا وتضررنا

لاجل نخلص هالجامعة

اولا عندنا مشكله التعليق وهاذا من خصوص نضام الجامعه المفروض يحلون هالمشكله ، ثانيا النظام الي سووا لنا

نحل الواجبات والمناقشات ونحمل محاضرات وفي الاخير تطلع لنا ناقصه اعمال الفصل ، ثالثا بعض المواد لما نحملها

ونبي نستمعها نحصلها محمله لنا بالغلط من مستويات اخرى ومن تخصصات اخرى ، يااخواني هاذي مسؤليه ربي

يسالكم عنها ، الحين بيحسبون لنا انا حملنا هالمحاضره ولا بينقصون علينا ولا كيف ؟؟، وفي الاخير يحطون

الاعمال الفصليه ناقصه ، والله ظلم

ثانيا ما نطالبكم به نرجوا عدم الغموض في الاسئلة الله ييسر لكم اموركم

نبي منكم تضعون لنا اسئلة نقدر نحلها مثل ما ذاكرناها ، احنا ما نقول غششونا او اعطونا الاختبار ، احنا نبي

المطلوب فقط نبي نحل الي ذاكرناه وتعبنا عليه وسهرنا عليه ،

يا دكاترنتنا الاعزاء والله نبي فقط نحس ان تعبنا وسهرنا وخسائرنا في الملازم الي نطبعها احيان يتعدا قيمة الحبر ال 700 ريال

وإيجار السكن لان الجامعة بعيد عنا والسواق الي يودينا للجامعه والمشتريات طول ماحن مستاجرين هناك نختبر

احيان اكثر من نصف الشهر ، نترك اولادنا وبيوتنا ، وفي الاخير يطلع لنا سوال غامض والله ان بعض اسئلة الماده

نبعده عن الماده لبعد صلته بها عمق الغموض والاستعجاز !!!

ليش الله يجزاكم خير ما نبي هاذا منكم نبي اسئلة واضحه عشان نحل الي ذاكرنا وتعبنا عليه وسهرنا عليه

وخسرنا في طباعته والله شي يقهر ،

ولا نعم بالكلام هاذا كل الدكاتره ، لا والله بعضهم طيب وما يريد الا ان يؤدي شي بذمته

والله اسال ان يوفقنا وياكم لما يحبه ويرضاه اعذروني على اطالتي وعذروني لو قلت كلمه تجرح احد منكم ولاكن

هاذي الحقيقه نرجوا ان تتقبلوها بصدور رحبه ، والله ودي رسالتي هاذي تاصل كل دكتور وكل مسؤل في الجامعة

والله ولي التوفيق