ملتقى طلاب وطالبات جامعة الملك فيصل,جامعة الدمام - عرض مشاركة واحدة

taghreed.Alotaibi · 2014- 4- 12

ياهلا حياك صيته ،
25 يوم
هالترم مايبشر بخير بس الله يعين ><"

اقتباس:

بديتوا مذاكره؟

انا بديت وخلصت مادتين وباقي لي 3 مواد تحتاج مذاكرة جدية ، دعواتك

اقتباس:

ووش بديتوا مواد؟

بديت بالمنظومة النحوية وانصحك تبدأين فيها .. محاضراتها سهله و قصيرة ، شرح الدكتور ماشاء الله ولا اروع منه
لكن حاولي تركزين معاه ولو مافهمتي عيدي المقطع اللي تحسين ماركزتي لان كل شيء مرتبط ببعضه
و القواعد متفرعة لـ اكثر من قاعدة وكل شيء عليه امثلة ..
الدكتور اسلوبه بالاسئله نسخ لصق من الامثلة ركزي عليها

اقتباس:

وش نظرتكم المبدئيه للمواد؟

الآراء ممكن تختلف في هالسؤال لان كل واحد و طريقته في اكتشاف المادة ومحتواها ،
شخصيًا نظرتي لـ مادة الادب + مدخل الى اللغويات انها مواد تحتاج اجتهاد من الطالب
و اجتهاد يكون ملموس و واضح مش قراءة وتمشية حال ،
ايضًا مادة قواعد البيانات .. دسمة لكن سهله ، تعاريف و خصائص تدوخ لو انتي من النوع اللي مايحفظ انصحك تذاكرين المادة من بدري و يوم الاختبار حاولي تصحين بدري ، تصلين الفجر و تاخذين لك كوب قهوة وتبدأين تحفظين بجد .. لان هذا اللي باسويه ان شاء الله ..

المعذرة لو طولت عليك
حاولت افيدك باللي اقدر عليه ،
ربي يوفقك .