اقدم جديدي لكم :

بمـــــدونــــة شعــــــــري كتبـــت وتغنيت ..... مشاعراً ماهي بزيف وحقيقه

بين الخيــــــــــال وبين تنسيــــقة البـــيت ..... ذكرى الغرام اللي تسبب حريقه

ايـــــــام مانساهـــا لو انـــي تناســـــــيت ..... اعيشها بلمحة فرح فيه ضيقه

ياهاجسي تبـــاً لك ... ان كانـــك ابطــيت ..... خل الحروف تصير مثل الحديقه

مشاعــــري ماهـــي بتحــتاج توقــــــيت ..... وانت العوض وقت الحروف الرقيقه

لعيـــــونها بنت الرجـــــــــال العناتــــيت ..... اللي لهم تاريخ وايضا وثيقه

وثيـــــقةٍ بالمجــــد والعـــــز والصــــيت ..... تشهد بها كل العرب والخليقه

من طيـــب اهــــلها زاد عشقي وسجيت ..... ودخلت عالمها وزادت بريقه

هي ملهمة روحــي اليا رحت وان جيت ..... من كثر ماهي بالوصايف حقيقه

اذا ضحكت قعــــدت اجــــر التناهــــــيت ..... واذا بكت تتكني بألف ضيقه

واذا حـــكــــت جاريــــــتها ثـــم غنــــيت ..... بسوالفاً بين العشيق وعشيقه

سوالـــــفاً منـــها انتعــــشت وتغــــــذيت ..... داوت جروحٍ في فؤادي عميقه