اسمك على كل بيت يمر لحنته
حتى على بحر يالاحي وليحاني
اقول بس انت والا اقول بس انته
الي سكن داخلي بعروق شرياني
حبك تمكن على الوجدان وادمنته
حسيبك الله يامسكي وريحاني
عرفت بأن الغلا جبار وايقنته
خصا ليا صار لك عندي غلا ثاني
حتى اسمي يحلو لامنك تفطنته
لاقلت ياشمري والا ياقحطاني
يا انعم من الورد لامني تحظنته
غلاك عندي غلا الدوحه لابن ثاني
والا غلا الشخص لاواجه مزبنته
يوم انهم مابغوه القاصي والداني
يا احلى من البيت لامني تهيجنته
واطعم من الكيف لامن صرت وحداني
وياثقل من السر لامني تأمنته
واخف من كلمة احبك على الساني
يعني بقول الغلا بالقلب دونته
والا كذا احسن بقول ان انت ديواني
لو قلت بس انت والا قلت بس انته
انت الوحيد اللذي بعروق شرياني
<<:)<<