|
أقبلْ رعاكٍَ الله وأتحفني برأيكٍَ
السلام عليكم ورحمة الله وبركاته
كيفكم وكيف أحوالكم؟
أنا أخوكم في الله الأستاذ القدير علي .. قدّر الله علي ودخلت قسم الدراسات الإسلامية
أحسب السالفة ذاكر آخر السنة وتعال الامتحان النهائي واختر الأجابة الصحيحة من عدة خيارات واطلع
كل من سألته عن الدراسة عن بعد .. قال ياخي سياحة وتمشّي والنجاح بالمخبات
قلنا قدّام .. فلنأخذ الشهادة الجامعية ونرتاح
طبعا أنا كنت طالب منتظم سابقاً في 3 جامعات ولا أراد الله إني أكمّل لظروف خاصة وأبي هالمرة أفلح بالدراسة
والحمدلله على كل حال
اللي صار بعدين .. وين السياحة والتمشي اللي يقولون عنه؟
ما شفنا الا الكرف وتعال احضر المحاضرة والا بنحرمك وتعال ادخل الاختبار ترى ما راح نعيده لو تحب السمااا
تعال حل المناقشة ولو تبوس كوعك ما راح تاخذ درجة كاملة <<< طيب يا دكتور جمال
معليش حسيت الجميع نفسيات من اسلوب التطفيش الجامعي ..
أنا أولكم حسيت اني شوي نفسية بعد ما دخلت الجامعة
الفصل اللي راح لما كنا ندخل اختبار فصلي من محاولة واحدة فقط
أم أم أم النفسية ترعشك وقتها
تصير تحك أسنانك ببعض .. أصلا ماقوّم سوق التقويم الا النفسيات والاحتكاكات اللي تصير ..
تجيك رعشة بالأطراف
تسوي إجراءات ضغط لا إرادية لبطنك
عمركم سمعتوا أن الخد فيه شريان والا عروق تنبض؟
أنا صار فيني .. أحس عروق خدودي جايها أم العبيد وتروّس .. ما جاكم هالشي؟
أستغفر الله وش بيصير فيني السنة الرابعة؟ أمشي وأكلم نفسي؟
ترى الوضع خطير قسم بالله
نرجع لموضوعنا .. واسمحوا لي يا إخواني وأخواتي بقسم الدراسات ؟؟ زملاء الدراسة
أنا جالس أفكّر فعليا أحوّل لعلم الاجتماع .. ياخي بنصير حول الدوافير
ظروف عملي سيئة للغاية وبتجبرني أعتمد على زملائي الطلبة بالدراسة .. وهالشي ما راح أجده بقسم الدراسات لقلة العدد .. مو مثل طلبة قسم علم الاجتماع لو تروح لأي قسم بالملتقى تلقاهم متسدحين من كثرهم ما شاء الله .. لا وينبضون دفارة لا اله الا الله ما شاء الله
يعني مثل ما أدخل البيت الظهر وألقى السفرة منفلّة وكل شي جاهز برضه بدخل قسم الاجتماع بأعمال السنة وألقاهم حالين الاختبار وجايبين الدرجة الكاملة
فلو كنت أخي العزيز وأختي العزيزة في مكاني فماذا ستفعل؟
أشيروا علي .. تراكم تيري ميري وميري تيري .. يعني أنتم أنا وأنا أنتم 
التعديل الأخير تم بواسطة عـلـي ; 2014- 4- 14 الساعة 10:12 PM
|