ضاعوا اللي جوا معاها مسيرات
واقبلت تمشي تقل محدٍ معاها
**************
ما يجرح الصادق الا غدر من يامنه
لا جت من احباب قلبك لا تلوم السنين
مليت من هالاماني دام مهي ممكنه
لاهي تحقق ولا ياسي بوجهي يبين
لوين انا وانت مثل الشمس والازمنه
مع كل صبحٍ يجددني لشمسك حنين
لا قلت احبك احبك كنها دندنه
او كنها وردةٍ مابين اصابع جنين
يا اجمل الناس لك بين الملا هيمنه
كثير غيرك ولكن مين مثلك و وين
يا عاذلي خذ عيوني يمكن تثمنه
تشوف عيبه وانا اشوفه ملاك حسين
امس افترقنا وانا احسب مرت اول سنه
يا طولها ليلة الفرقا سنة للحزين