ضاعت حروفي وانطـــفى ضي الاقلام
والصمـت جـارح والمـــواجـــع كثـيـره
والــــهـم وجــروح اللـيـالـي والايـــام
وحلـمٍ غـدى مابـيـن يــاسٍ وحـــــيـره
وحـبٍ مــوادع لـلاســــــف راح مــادام
واقول في نفسي عسى الامـر خيـره
ماهـي غريــبـة لـو فقـدتـك يـالاحـلام
مـاهـي غريـبـة دام نفـسـك كسـيـره
هـذا الزمـن عشتـة مــعانـاة واوهــام
قصـة عـذابـي فــي زمـانـي مـريـره
اضحك على نفسٍ تعاني مـن اعـــوام
واقـــول قــدامــي امــانـي كـثـيـره
ارسم فرح عمري على ضحكة ايتـام
ودمــعٍ تـبـدد مــن عيـونـي نـثـيــره
كم كنـت انـا ملتـاع مكبـوت منضـام
دربــي وحـيـد ولا حصـلـي بـغـيـره
عــزاي اردد قـولـة الـحـظ واقـسـام
مكتـوب ربـي لــو تعـيـسٍ مصـيـــره
وادري لـو إن الحظ لـوطـاح مـاقـام
.وادري عــن اقــدامٍ تعـنـت لـديـره
يادنـيـتـي طـــال الـعـنـا كـلّـي آلآم
مـحـدٍ يـحـس بـنار فيـنـي سـعـيـره
يادنيـتـي قـلـت الامــل كـــان قـدام
مـع الاســف طــول علـيّـه مسـيـره
يادنيتـي ويـن السـعـادة والاحـلام؟؟
يادنـيـتـي رحـلــة حـيـاتـي مـثـيـره
ماتت حروفـي وانطفـا ضـي الاقـلام
والـبـوح بـاقـي بــة عـلـومٍ كـثـيـره