المشاركة الأصلية كتبت بواسطة B.B.A

وعليكم السلام ..

حياك الله اخوي ابو احمد من جديد ..

كلامك منطقي هالمرة ، ولكن ما قد شفت احد يمن على احد بشيء هنا ابد بالعكس كلها مجرد توجيهات وابداء اراء للافضل ..

والشباب هنا كلهم فيهم الخير والبركة ولا قصور فيك انت بعد ،

خلنا نرجع شوي للترم الماضي وتحديدا قبل الاختبارات ..

يارجل القسم صاير حالة استنفار .. كثرة ذا المواضيع سببت لنا ربكة مو طبيعية ..

لدرجة وصلت صرت مابي ارد على احد ..

من شان هيك وهيك بس تم وضع فكرة الورش وتوحيد المواضيع وتوزيع المهمات وتوفير الوقت والجهد ..

انا اقدر انا فيه اعضاء جدد على المنتديات ولكن مايمنع نوجههم اول مرة خصوصا اننا راح نكون مع بعض ان شاء الله المستويات الجاية وراح يكونون عارفين الانظمة وما الى ذلك ..

كان موضوعي هذا هو مجرد فضفضة ليس الا .. مانبي نسوي اي هجمات مرتدة

في الاول والاخير نبقى اخوان .. اتفقنا حنا اخوان ،، اختلفنا نبقى اخوان ..

انت عارف يمكن انا وانت ماندخل المنتدى الا كم ساعة باليوم ..

وش رايك باللي جالس اكثر من ثلاث ارباع وقته بالمنتدى عشان هالورش وعشان يساعد الباقين ..

ما يخفاك شي اخوي ابو احمد .. و اقدر لك كل اللي قلته ..

يالله هانت .. مابقى الا القليل ..

بالتوفيق للجميع