سارة يعطيك العافية ماقصرتي وبصراحة 8 اسئلة
على محاضرتين ماتقند الراس هذه يادوب حق
نص محاضرة يعني غلطتين اخذ 30 مايصلح ابد
شوفيلك دبره وخرشينا بعشرين سوال زود يعني
20 لكل محاضرة كثري جزاك الله خير حتى يكثر الاجر
8 على محاضرتين قمة البخل يعني 4 لكل محاضرة
عز الله اللي ماغزينا شوفي مجموعة الجزئي الله يعطيهم العافية
يفصفصوا المحاضرة مايخلص الا وخمسين سوال سادحينه
حتى لو يكح الدكتور سوا من كحته سوال وانتي متقضبه
بالاسئلة ماتطلعيها الا بطلعت الروح فرحت برجعتك بس مابردتي
خاطري يجي منك اكثر من كذا اقووول طلعي من الخرج وزيدي الكيل
عدلي الاسئلة وتربليهم اضعاف الثمانية ترا وقفت عند المحاضرة 11
ماعرف اذاكر الا بالكويز شوفيلك دبره باقي على موعد مهريماه 4 ايام
وانا ماخلصت دبرينا الله يرضى عليك اقل من 14 سوال للمحاضرة ماترضيني