|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
أسرجت لك قلب(ن) من الحب ما تاب
سوي به الي يا غلا تشتهينه
طيف العنا ما يوم عن مربعه غاب
للسعد بيت وللماسي مدينه
جيتك أمل جعل الآمل فيك ما خاب
واليأس يغرس خنجره في السكينه
جيتك على كاهلي أتعاب و أتعاب
أطلال سوى الوقت به ما ترينه
سطرت للدنيا من الغبن أبواب
من شافني كانه نظر للغبينه
ما شبت بس الوقت في ناظري شاب
والحزن يجثم عل الأماني الدفينه
تشوف في وجهه من الهم أسراب
والوجد يرسم لوحته في جبينه
ما عاد له في واقع الغاب مخلاب
جرده وقته كل زينه وشينه
أن طاب يا منيتي فلعيش لي طاب
ضميه في حضنك وأحيي سنينه
|