|
تحذير عاجل جدا لجميع طالبات اللي يختبرون بمركز الرياض
السلام عليكم ورحمة الله وبركاته
انه لمن المؤسف ان يصل الاستهتار بمدارس التربيه النموذجيه لهذا الحد
اليوم كان اختبارلزوجتي ورحت اجيبها بعد ماخلص الاختبار الباب الرئيسي مفتوح والرايح والجاي يتفرج والبنات مساكين مايدرون حاطينهم في قاعه قريبه عند الباب الرئيسي وواجتها زجاج عادي ( يعني اي واحد واقف برا عند الباب يشوف البنات وهم يختبرون واكثر الواقفين برا سواقين
نزلت بسرعه وناديت الحارس اللي عند الباب وهزئته عشانه فاتح الباب
ودورت احد من الادارة للمدارس ابلغة باللي حصل ماعندك احد
لذا نصيحه لوجه الله لاتسكتون على هذا الموضوع ولا احد يجلس قدام الا لما يحطوا حاجز لازم يحطون حاجز او ساتر ولا جامعه الملك فيصل يجب ان تتخذ اجراء صارم لان البنات والله مساكين مايدرون عن اللي حاصل
اخواتي في الله انا كتبت هالموضوع من غيرتي والله عليكم
( من ستر عورة مسلم ستر الله عورته يوم القيامه )
وانا احتسب الاجر اني سترت عورات مئات الطالبات اللي مايدرون
اللهم استرنا فوق الارض وتحت الارض ويوم العرض
اللهم بلغت اللهم فاشهد
التعديل الأخير تم بواسطة من نجد ; 2010- 6- 5 الساعة 08:45 PM
|