|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
من سأل عن غيابي ومن فقدني فديته
لو خذتني ظروفي جيـت كلي حضوور
كيف حال القصيد وكيف ورد ٍضميته
ومن هو اللي كتب بعدي سطور وسطور
ياترى الشعر يـ هــواني كثر ماهويته
وياترى أوفيت لحروفه بصدق الشعور
إيه هذا يقيني وكــل حـــرف ٍعطيته
أصدق البوح من قلبي بكل الأمووور
كم نثرني على بيض الورق ماحتويته
وكم كتبني بلحظاات الحزن والسرور
أعذب الشـــعر قالوا أجـــذبه لا قريته
لا وربي ومن قاله ماهــــو بمعذوور
الــصدق روح في نظم القصيده وبيته
لا خـــلت منه جنه غصـــن ماله جذور
يوووه قمت أتفلسف والخلاصـه نـسيته
للشعر عـشـق يغريني لـــشم الزهوور
بــس الحــين بأسأل من فــقدني فــديته
آآآآآه قلبي دليلي قاال مســك الحضوور
|