ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية ✿(◠‿◠) مجــلس مـذآكرة ( الآنجليزي ... كــتابةة ) شآركــونا المجــلس .. ✿✿ ‏

لوولو · 2014- 5- 1

اقتباس:

المشاركة الأصلية كتبت بواسطة دفء الورد

وصلني سوال من احدى الاخوات تسال تقول شلون افرق بين استخدام

and / but / so / or

اليكم الطريقه

اولا and

اذا كانت الجملتين تحمل نفس الفكره ( فكره الاولى = فكره الثانيه ) بشرط ان تكون الجملتين مثبتات او منفيات مع بعض

مثال

My friend is a teacher, and his sister is a doctor.

not / n't نلاحظ ان الجمله الاولى مثبته لعدم وجود

والثانيه كذلك مثبته وتحملان نفس الفكره اللي هي التعريف للوظيفة

المثال الثاني

He doesn’t like music, and she doesn’t like art.

نفس الكلام بس هنا الجمل منفيه كيف نعرف انها منفيه بوجود n't

اللي يهمنها في الجملتين النفي والاثبات وتكون الجملتين تحملان نفس الفكره

نجي للاداه الثانيه

but

من شروط استخدامها ان الجملتين وحده تكون منفيه ووحده مثبته

مثال

She likes art, but she doesn’t like music.

نلاحظ الجمله الاولى مثبته والثانيه منفيه

نجي ناخذ اداة الربط الثالثة

so

تربط بين جملتين وحده منهم تكون سبب لحدوث الثانيه

مثال بالعربي

انا وقتي مزحوم بالمذاكره لذلك ما عندي وقت ادخل النت

دائما نضع هنا سوال ناخذ الجمله الثانيه ليش ما عندي وقت ادخل النت ؟ راح يتبين ان الجمله الاولى جواب لسؤالي

My friend and his sister work a lot, so they don’t go out very often.

ترجمه الجمله السابقة ووضع السوال عليها ليش ما يطلعون ؟ راح يكون الجواب لانهم يعملون كثيرا

نجي ناخذ اداة الربط الاخيره

or

الاداة ذي تجي مع الخيارات

يا ابيض يا اسود على قولتهم

يا نجلس في البيت يا نطلع

والقصد ان الشي يحدث في زمن محدد

لا تقولي بنجلس ساعه بعدين نطلع

Every Friday, they go to a mall, or they visit some friends.

لاحظ هنا الحدث اللي بيصير السوق ولا زيارة الاصدقاء

هنا لازم نختار

================

نجي لموضوع ثاني

run-ons

بختصار هو لما تكون جملتين مع بعض بدون فاصله وبدون نقطه وكل جمله تحتوي على فاعل وفعل

مثال

Franciscoworked out Mariacleaned her room.

نلاحظ بينهم لا يوجد نقطه ولا يوجد فاصله تميزهم وكل جمله فيها فعل وفاعل

طريقة تصحيح الجمله نستخدم طريقتين

1- نضع نقطه بعد الجمله الاولى ونتاكد من الحرف الاول للجمله الثانيه انه حرف كبير

2- نستخدم الفاصله

طبعا بعد الفاصله لازم نستخدم ادوات الربط

and / but / so / or

ونطبق عليها القاعده اللي قلناها الاول

نعيدها اذا منفيه او مثبته وتحمل نفس الفكره نستخدم

and

اذا وحده منفيه ووحده مثبته

but

اذا كانت وحده سبب في حدوث الاخرى نستخدم

so

اذا كان فيه لابد من الاختيار بينهم نستخدم

or

===================

نجي لشي ثاني اللي هو

comma splice

كيف نميزها

جملتين بينهم فاصله بدون ادوات ربط

مثالها

Francisco worked out,Mariacleaned her room.

كيف نصحح الخطا اللي فيها نتبع نفس الطريقه

1- بين الجملتين نضع نقطه وبعدها حرف كبير

2-عن طريق ادوات الربط بنفس الفكره اللي قبل الاثبات والنفي والفكره والاختيار والسبب من حدوث الاولى

ملخص الموضوع

اذا كانت الجمل مربوطه بدون فاصله وبدون نقطه نسميها

run-on

اذا كانت الجمل مربوطه بفاصله بدون ادوات ربط

and / or / but /so

نسميها

comma splice

اذا كان بينهم نقطه وبعدها حرف كبير تعتبر صحيحه لا تحتاج الى تعديل

اذا كانت فاصله وبعدها اداة ربط تعتبر صحيحه ولا تحتاج تعديل

ملاحظه الفاصله تاتي قبل اداة الرط

الله يجزاك خير ويعطيك العافيه
والله اني فهمت شرحك وهو كم سطر
ولافهمت شرح الدكتور
الله يوفقك وفالك الa+ ان شاء الله