|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
غاب ضوّ الشمس و إزداد الظلام
و كل شمعه بالشوارع .. طافيه ..
إستعرت الصمت من فم الكلام
الحروف أحيان : ماهي كافيه ..
خطوتي صارت على حد الحُسام
من غدت كل الأماني : حافيه
ألف مرّه قلت لك : بُعدك حرام
كيف أدفا بلا كفوفٍ دافيه !
في غيابك كانت الفرحه حطام
و كانت إيدين المواجع وافيه ..
ردي لـ صبحي تغاريد الحمام
حاولي بشتّى الدروب الخافيه
و رتّبي لي دمعتين ..بلا ملام
ودي أبكيك بـ ليالي لافيه ..
أو خذيني للبعيييييد من الغمام
الرحيل أحيان : ديره شافيه !
ودّي أرحل ما يناسبني الزحام
و أسكن أنفاس الغيوم الصافيه ..
عمر هذا الحزن فيني ما ينام
و فرحتي نامت منام العافيه ..
ما يموت الشعر في صدري مدام
غيبتك وزن و حضورك قافيه ..
|