عظم الله أجركم ورحم الله ميتكم وجمعكم به في جنات الفردوس يارب

حبيبتي قلبي معك الله يصبرك ويربط على قلبك

بقول لك من تجربتي

أنا حصل لي ظرف العام الترم الأول ولا قدرت أدخل الإختبارات حضرت اختبارين منها فقط والباقي غبت عنهم
وبعد الإختبار تفتح أيقونة "تقديم أعذار المتغيبين عن الإختبار بعذر" قدمت فيها خطاب مختصر شرحت فيه عذري وأرفقت معة إثبات وخليتهم مع بعض بملف pdf لأنهم طالبين يكون الملف بهالصيغة
وخلاص .. انتظرت الين ردوا بأنه تم قبول عذري .. وانت بيقبلون عذرك أكيد إن شاء الله .. بس أرفقي شهادة الوفاة مع الخطاب وسوي مثلي

والترم اللي بعده نفس المواد اللي غبت فيها لاتسجلينها .. لأنها رح تنزل لك مباشرة من غير تنزلينها ورح تحسب لك رسومها لأنك دفعتيها وغيابك فيها كان بعذر
أما النتيجة .. رح تنزل لك في السجل الأكاديمي نتيجة راسب .. لكن لا تخافين بمجرد تختبرينها الفصل القادم رح تُعدل بالنتيجة الجديدة

أهم شي تنتبهين على:
1- وقت فتح أيقونة "تقديم أعذار المتغيبين عن الإختبار بعذر" عشان ماتروح عليك الفرصة .. وهي رح تفتح بعد الإختبارات مباشرة
2- أبدا لاتعتذرين الفصل القادم ولا تحذفين أي من المواد اللي غبت فيها بعذر .. للأنك بكذا تخسرين فرصتك بدراستها بدون رسوم وتخسرين تصحيح نتيجتها بالسجل الأكاديمي

إن شاء الله أكون أفدتك
وعذرا ع الإطالة