بسم الله الرحمن الرحيم

جيـــــــــــــــــــــــــــــــــت
>>>>>>>>>>بعده أثر التعب من الجامعة خاصه اذا كان الواحد مو نايم كفاية
قبل كل شي نااااااااامو زين زين
أول شي أحب اشكر الأخ pmu1 كثير على إهتمامه في الرد ..

الحين راح اقول لكم شنو صار معي بالتفصيل وإنشاء الله تستفيدو وعشان ماحد يتفاجئ بشي وراح اشرح بالعربي عشان الكل يستفيد >> لاحد يفكر الأسئلة تجي بالعربي

أول شي رحت عطيت قسم التسجيل اوراقي
وبعدها رحت سلمت 500 ريال قيمه الإمتحان
وجات الساعة 10 ...
بعدها سوينا إمتحان لسنق قرامر
قامت المس شرحت للكل كيف راح يكون الإمتحان >>> لاحظو قامت تشرح نص ساعه
بالإنجليزي خيـــــــــــر
:t1: في بنات جايه مو عارفه إنجليزي وهاذي جايه تشرح لهم إنجليزي !!!!!!!!!!!!


:150:
هذا القسم الأول من الإمتحان راح يكون على كمبيوتر طيب
وتحط سماعات وتسمع وتختار الإجابة الصحيحة من الخيارات اللي راح تطلع عندك
يعني راح يختبرو في هذا اللوقت مدى سمعك وفهمك في نفس اللوقت الأسئلة راح تجي في القواعد

مثلا جابو صورة سيارة .... وتختار من الجمل كلمة سيارة
وأذكر بعد يقول الساعة السادسة ..... وفي الإختيارات صور لساعات اللي عليك تختار الصورة المناسبة اللي توضح لك أن الساعة 6

وتجي لك فراغات كل اللي عليك تسحب بالماوس الكلمة المناسبة من مجموعه كلمات
وتحطها في مكانها

راح يطلع لك دائرة صغيرة تحت توضح لك اللوقت حق السؤال
لا تاكل هم لأن اللي ماتعرفه يروح ويجي غيرة سؤال
وهذا الإمتحان سريع ممم مدته بالظبط مو ذاكرة
وأيضا في الأسفل توقيت لمدة الإمتحان

:150:
الحين نجي للي الجزء اللي بعده هو المقالي
تكتب موضوع ويكون وافي مثل ماقال وشرح الأخ pmu1
اللي جالنا .... موضوعين وتختار الأنسب لك فيهم
الأول كان .. ابدي رايك في البلدان اللي تصرف فلوسها على الفضاء والكواكب
هل أنت موافق ام غير موافق مع الشرح وتوضح وجهه نظرك ..
البعض يقول لا انا غير موافق لأن هذا العالم اولى بالمبالغ من الخااااااارج
البعض يقول لا بالعكس انا مع الحكومات في هذا الشي لأن فيه تطوير وإكتشافات

الموضوع الثاني جالنا عن في وجهه نظرك ماهي المميزات اللي المفروض تنوجد في أي كتاب جيد
يعني تشرح ماهي مميزات الكتاب الجيد وشنو ممكن يكون فيه حتى يصبح جيد

ومدته تقريبا 40 دقيقة

:150:
الجزء الثالث مقابلة بالإنجليزي
اخبارك ... مما تتكون عائلتك .. هل سافرت قبل ... شنو تتمنى بعد ماتخلص جامعة ..
شنو نفسك تغير في المجتمع >> هاذي الأسئلة اللي تجي وبعدها تتفرع على حسب جوابك
مثلا قلت ايوه احب السفر راح يقولك وين رحت من قبل وليه حبيت هذا المكان

أهم شي الراحه النفسية قبل دخول الإمتحان هذا لأنه يأثر كثير والثقة بالنفس
هم الله يهديهم مسوينه في النهاية بعد ما الواحد تروح طاقته


:150:
الجزء الرابع مقابلة بالعربي ..
هاذي مايبي لها شي .. بقول لك ليه اخترت الجامعة هاذي ...
هل انت من النوع اللي يحب الأنشطه الجماعية ..
شنو نفسك تغير ببلدك ..


وبس بعدها راح يخبرونك عن نتجيتك بعد أسبوع تقريبا
وبعض التخصصات تحتاج إلى إمتحان ماث
بس مو الحين هم راح يحددون وقت
لهذا الإمتحان بس اللي بينوه لي ان بعيد مره وقته ..


أخوووووووووي أنت في كل الأحوال مقبول ...
هذا الإمتحان مجرد تحديد مستوى
والمقبالة اللي بالعربي اتوقع فقط مسمى رسمي للقبول

بالتــــــــــــــــوفيق للجميع
وإنشاء الله أكون أفدتك .. السموحهـ كتبت على السريع عشاني مره تعبانه
من المشوار اليوم ولا أعرف اشرح كثير
لا تنسونا من دعائكمــــ