اخواني واخواتي الله يفرج على الجميع بس حبيت اقولكم لا تشككون في ذمم جميع العاملين انا معكم ان فيه واسطه بس بنسبه معينه اعتقد انها لا تتعدى 20% انا اعرف ناس كثيرين توظفوا في الجامعات بدون واسطه توظفوا بجداراتهم المشكله ان المنافسه عاليه وعدد الفرص قليل.. الارزاق مقسمه من قبل ولادتنا ومحد ماخذ الا نصيبه المقدر له .. رب العالمين اعلم وادرى بالخيره يمكن ينتظركم شي افضل لا تيأسون وادعوا رب العالمين..
واخر شي بقولكم عن شي يحقق لكم اللي تبون .. اكثروا من الدعاء و الاستغفار وحطوا ببالكم اللي تبون وانتم تستغفرون وايقنوا باجابة رب العالمين وهذا شي انا جربته وشفت نتايجه وتقدرون تبحثون وتقرون عن تجارب اشخاص في هالموضوع منها الزوجين اللي قعدوا فتره طويله ما انجبوا وكانت حالتهم ميئوس منها ونصحهم احد المشايخ بالاستغفار بعدها رزقوا بولد واستغفروا مره ثانيه مع دعائهم انهم يرزقون ببنت ورزقهم رب العالمين ببنت لا تقنطوا من رحمه الله وتراها اهون المصايب والابتلااءات احمدوا رب العالمين على نعمه الكثيره واهمها نعمة الاسلام والصحه والعافيه والامن والامان .. استشعروا نعم الله واشكروه يزيدها وبختم ردي بالايات الكريمه
قال الله تعالى : {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}
{اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً}
{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ}
{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}
اسأل الله لي ولكم الهدايه والتوفيق لكل ما يحبه الله ويرضاه وما يقربنا لجنته ويبعدنا عن كل ما يغضبه .. الله يفرج على الجميع ويرزقنا راحة البال وصحة القلب والعقل والبدن ويصلحنا وذرياتنا اللهم امييين ..