المشاركة الأصلية كتبت بواسطة abdullah ahmad

بالنسبه للوسيط اول شي نرتبهم تصاعدي ونقول : 3,3,5,8,9
ونرجع لقاعده الوسيط واللي تقول n+1)/2) = الوسيط
الـ n هنا = عدد الارقام في السؤال وبما انه عطاك بالسؤال خمس ارقام
فنقول (5+1)/2= 3 ، اي ان الوسيط هو القيمه الثالثه بعد مارتبناهم تصاعدي
وشوفي الخانه الثالثه بعد الترتيب اي رقم !؟ يطلع الوسيط = الرقم الموجود بالخانه الثالثه
واللي هو ( 5 )

طبعا ً اتمنى ترجعي لصفحه 35 بمراجعه الدكتور ، ففيه اختلاف بسيط لحساب الوسيط اذا كان عدد الارقام الموجوده بالسؤال زوجي ، هنا بالسؤال عطاك فردي ، فارجعي للمراجعه وان شاء الله توضح لك الصوره اكثر


الوسط الحسابي = مجموع قيم البيانات / عددها ، أي (3+9++8+5+3) / 5 = 6
اذا الوسط الحسابي = 6
ولو بتسآلي وتقولي ليه قسمنا ع خمسه بقول لك لانه عطانا خمس ارقام فحنا هنا نقسم ع مجوع الارقام " عددها "


بالنسبه للمنوال سهل جدا ، شوفي اكثر رقم متكرر يطلع هو المنوال
ولو مافيه عدد متكرر يصير مافيه منوال ، واذا في عددين متكررين نفس التكرار وهم اكثر شي فيصيروا اثنينهم المنوال
الاجابه بالنسبه للسؤال فوق بما ان الـ 3 متكرره مرتين اكثر شي ، والباقي من مره وحده
فالمنوال = 3


اتمنى اكون وفقت بالشرح ، اعتذر من الباقين شرحت هالمسأله لاني تو مخلص منها تقريبا ً
وربي يوفق الجميع