.............................
أعجبني رده الجميل الله يسعده..وواضح انه متعاون جدا معنا وياليت يتعاون مع العماده في هذا الإختبار
بالنسبه للإختبار فأغلب الأسئله نعم كانت من المحتوى ..وبعضها تنعد ع الأصابع كانت خارج المحتوى ..وقد ذكرت لنا في المحاضرات انك ستتأتي ببعض الأسئله الخارجيه لقياس مستوى الطلبه..ولم تتجاوز تقريبا الخمس أسئله او أقل..
لكن يادكتور شرحك للماده كان قراءه .. لم تبين لنا معاني المصطلحات الجديده ..وكيفية إستخدامها بالشكل المطلوب..كذلك المحتوى كان طويل وكثير وماقصرت حذفت بعض المحاضرات الله يجزاك الجنه..
حاولت ان اعتمد ع نفسي في الشرح فوجدت صعوبه في بعضها او كان فهمي لها خطأ..لعدم إلمامي الكامل بالشرح الصحيح..
للأسف يادكتور حاولت ان أحفظ بعض الدروس وأجزم ان هذا اللي أثرَ على حلي في الإختبار ..والسبب انني لم أفهم ..وكذلك حفظي صعب..اعرف كل سؤال وموقعه بالضبط في المحتوى لكني نسيت الإجابه الصحيحه ..لو كنت فاهمه لما حفظت إلا المصطلحات والتعاريف..
ولم أستطع التواصل ع الإيميل لأني راسلت بعض الدكاتره ووجدت صعوبة في الفهم من خلال الكتابه ليس كـ شرح المحاضرات ..
وكذلك لم يكن لدي الوقت الكافي لأطلع ع شروحات اليوتيوب فبعض الطلاب والطالبات استعانوا بعد الله عليها ..
وكذلك بعض الأسئله كانت متشابه خياراتها لدرجة التشكيك..والبعض الآخر كانت متعمقه او بمعنى آخر اللي فهم الماده رآح يجيبها..أما اللي حفظ ونسى.. فماله لوا..
أشكرك يادكتور ع ردك ..واتمنى ان تتعاون معنا وتنصفنا..وتساعدنا باللي تقدر عليه..
واتمنى أن يكون المحتوى يشتمل ع جداول وتقسيمات للأنواع وأمثله ..حتى يسهل فهمها ..لأن الكلام اللي تحت بعض يشتت..وماندري وش ناخذ وش نخلي..
جزاك لله خير..
وشكرا ألف شكر لأخوي البرواز ..الله يدخلك الجنه
...............................