قواعد البيانات،، مالها فايدة مع مقرراتنا
بسم الله الرحمن الرحيم
السلام عليكم ورحمة الله وبركاته
دغري ع الموضوع
نحو 1،2 مقبولة رغم صعوبتها ، لانها لغتنا اولاً وللخطابات والتواصل بطرق رسمية ،، الزبدة نمشيها ونبلعها
انقليزي بمرفقاته ،، الكثير يستفيد منه،، تمشي امورك ،، ولو انه ماهب ذاك الزود،، الزبدة نمشيها
الحساب وورد واكسل،، نستفيد منها
لكن قواعد البيانات !!
حقل وعنصر وكينونة وتصميم وحياه واخراجها لحيز الوجود وخوارزميات ؟! وش ذا الخربطة
يعني داخل كلية اداب، تتوقع بكرا من هالمقرر بسوي موقع وبنافس قوقل ولا ياهو ؟!
ولا بسوي برنامج ينافس مايكروسوفت وورد؟!
وش ابي بالقواعد، وين الفايدة ؟
فيه اصحاب شهادات "" مختصين ودارسين هالامور "" صممو لك وسهلوا لك وهذا شغلهم اللي فاهمين فيه
زي ما انت بكرا بتفهم بتخصصك ان شاء الله أياً يكن وبتفيد غيرك
والان بعد ما انتصفنا بالدراسة الاكاديمية وبسم الله استلمنا اول طريق التخصص تصفقنا بمقرر لا ع البال ولا ع الخاطر!!
ياعميدنا زحلق هالمقرر ولا شف له صرفه،،
اعجبني الدكتور باحد المحاضرات ذاكر سبع نقاط،، ويوم خلص منهن قال فيه غيرهن لكن هذا الحد يكفي
" يقصد ان الباقي ماله داعي مايصلح لكم فيه تعمق وتفاصيل اكثر "
وش دعوة حبيبي
باقي لي شوي واصير زي بيل غيتس
فالكم النجاح
التعديل الأخير تم بواسطة جديد عن بعد ; 2014- 5- 10 الساعة 04:02 AM
|