ملتقى طلاب وطالبات جامعة الملك فيصل,جامعة الدمام - عرض مشاركة واحدة

arng · 2014- 5- 11

اقتباس:

المشاركة الأصلية كتبت بواسطة قمر الهيلا

بناات ابي احد يفهمني هذي النقطه مو فاهمتها

الله يخليكم ضروري

تكوين جدول التوزيع التكراري .. بسم الله
اول شيء .. في المسألة بتجيك قيم كثيره وتقول كوني جدول التوزيع التكراري
وبتعطيك في المسأله عدد الفئات وركزي عليه
الحل اول شيء سوي جدول
العامود 1 اسمه حدود الفئة
العامود 2 الحدود الفعلية للفئات
العامود 3 مركز الفئة
العامود 4 التكرارت ..
يلا رسمتي الجدول بتقولين من كم صف الجدول اقولك من عدد الفئات
يعني مثلا قالت عدد الفئات 7 يلا سمي وارسمي جدول من 4 اعمده و7 صفوف
خلصنا من رسم الجدول نوجد القيم للعامود 1
اول شيء حددي اعلى قيمة وادنى قيمة في المسألة
حددتيهم اوجدي بعدها المدى من القانون =اعلى قيمة -ادنى قيمة
اوجدنا المدى وطلعت القيمة
يلا ناخذ عدد الفئات الي قلت لك ركزي عليه
ونسوي القانون طول الفئة = المدى /عدد الفئات ونقرب
طلع لك 7.5 نقربها تصير 8 مانقرب الا من خمسه وفوق
الحين اوجدنا حدود الفئة =8
نبدأ بأدنى قيمة في المسألة نحطها مثل الي في المسألة الي في الملخص ص5
ادنى حد =42
نحسب لين نوصل للطول 8
42-43-44-45-46-47-48-49
الحين عدي القيم كم تساوي 8
انتهينا عند 49
الحد الثاني نبدأ من عند 49 ونحسب لين يصير الطول=8
ونبدأ حساب الحد من عند 49
وكملي على كذا لين تخلصين عامود 1
خلصتي عامود1
نبدأ بعامود 2 هذا سهل
الحدود الفعلية للفئة
بعد ماكونا الحدود للفئة في العامود 1
ناخذ ادنى قيمة ونطرح منها 1/2
وناخذ اعلى قيمة ونضيف عليها 1/2
القيم الي في العامود 1 طبعا الي ناخذها
42-49
الحد الادنى = 42
الحد الادنى الفعلي يساوي= 42-0.5
=41.5
الحد الاعلى=49+0.5
=49.5
وكملي كذا على البقية
نجي للعامود 3
مركز الفئة= الحد الاعلى +الحد الادنى كلهم قسمة 2
طبعا الحدود ناخذها من العامود 1
42+49=91
91/2=45.5
وكلمي على كذا للبقية
العامود الرابع التكرار
سهل
عندك القيم من 42-49
شوفي في المسألة الارقام بين 49-42
وحدد عليها شوفي كم مره تكررت واكتبي التكرار في الجدول
واوجدي مجموع التكرارا
اذا بإختصار ..
اذا سويتي العامود الاول
تقدرين منه تطلعين الحدود الفعلية ع2
ومركز الفئةع3
ان شاء الله واضح