ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية ஜ]¦[‗ـ−Ξ مجلس مذاكرة الاســـتماع والأســتيعاب يوم الاختبار 13-7-1435 هـ Ξ−ـ‗]¦[ஜ

o_lg_ll · 2014- 5- 11

طيب أسمعو المادة نأخذها حبة حبة واهم شي الواحد يفهم شنو الى راح يجيه في الاختبار النهائي وكيف طريقة الاسئلة والاجوبة

بحثت في المنتدى وحصلت رابط لموضوع تكلم فيه راشد صاحب الموضوع باختصار واجازة عن المادة وكيف طريقتها في الاختبار النهائي وراح انسخ لكم الكلام الى كتبة راشد

السلاام عليكم ..

ندخل دوغري في المهم

شفت اكثر من استفسار عن مادة الاستماع ..

ورحت اخذت لفة على في عمو قوقل ورجعت ..

بالاختبار راح يشغلو تسجيل للدكتور يعني لا تقولو عندي مشكلة ما اقدر افهم على الدكتور ..

الدكتور راح يقراء لنا الاسئلة وكل الي نسويه نختار الاجابة بكل بساطة ..

الاختبار مقسم لـ(محادثات-قطع-كلمات-اختصارات-و جُمل )

الاختصارات الي هي Reductions:

d'y wanna go = do you want to go
coudya = could you
y'mean = you mean
whaddaya = what do you

وكذا اتوقع انه ماراح يطلع برا المنهج وبما انه ينطقها راح تكون سهلة

القطع Passage:

الي فهمته انه يقراء قطعة وبعدها يسئل من القطعة واحنا نختار الاجابة ..

نفس نظام لما يعطيك دكتور عمار قطعة الصبار ههههه وبعدها يقولك حل الاسئلة بس الفرق هنا انه ما راح تقرا لانه مافي قطعة تقرها..

انا وصلت لحد المحاضرة الرابعه او الخامسة ما اذكر بالمادة هذي وحده من المحاضرات يشرح لنا الدكتور كيف نتعامل مع الوضع هذا..

اول ما يقرا القطعه الدكتور سجل ملاحظات على الورقة رؤوس اقلام مو لازم تسجل كل شي ..

وبعدها لم يسال ترجع للي سجلته ..

بسيط ومايحتاج تفكير ..

الكلمات Vocabulary :

ماظن انه الدكتور راح يطلع برا المنهج طبعا والكلمات مثل مانتو شايفين تتكرر بمادة القراءة و الانشاء بما انهم نفس سلسلة الكتاب
بس دكتور عبدالله غير بس اظن يكفي ..

الدكتور يقراء معاني الكلمات بالانجليزي وحنا نختار الكلمات الصحيحة ويمكن العكس بس ماني متأكد من العكس ..

المحادثات :

مثل اول محاضرة بالضبط الدكتور راح يقراء المحادثة وبعدها يسال عن المحادثة ..
مين يعرف مين ؟ وايش يسوو ؟ ومين صديق فلان ؟

الي عرفته انه المحادثة تنقراء مره وحده من اكثر من موضوع قريته يعني ضروي تسجلو ..

الجُمل :

جُمل وفيها كلمات ناقصة والدكتور يقراء الجملة كاملة وحنا نكتب النواقص او نختار النواقص..

بس هذي طريقة الاختبار بكل بساطة..

الي عنده اي مشكلة ما يستوعب الكلام من الدكتور انصحه يشتري الكتاب ويحاول يحل مع الدكتور وهو يقراء مرة مرتين لحد ما يتعود..

ولي عنده اي معلومة زياده يقول ..

و موفقين ان شاء الله ...

هذا الكلام الى خذته من الموضوع وهذا رابط الموضوع الى يبي يستفيد ويتأكد

http://www.ckfu.org/vb/t369848.html

--------------------------------------------------------------------------------------------------------

طيب الحين راح ارفع لكم في المرفقات ملفات للكلمات ومعناها

وفي ملف مترجم بالعربي لجميع القطع تقريباً

أهم ملف بالنسبة لي والى يختصر المادة كلها وبل فلسفة زايدة ملف اسمه في المرفقات

حل إختبار استماع و استيعاب

هذا الملف حملوه وافتحو الملف الصوتي للدكتور وافتحو على صور الاختبار واجلسو طبقو الاختبار النهائي بالضبط

لاتستهينون في المادة في بعضكم ممتاز وماعنده مشكلة في الانجلش بس طريقة الاختبار ممكن توترة خصوصاً انه أول مره في حياته يحل بهذي الطريقة

فـــ نصيحتي للجميع اختبرو انفسكم وطبقو طريقة الاختبار وحلو مع صوت دكتور المادة فقط لاتسمعون لناس أخرين

قي ملفات اخرى عندي للمادة بس احسها راح تضيع وقتكم ولا تعطيكم المفيد

--------------------------------------------------------------------------------------------------------

وهذا رد للأخ راشد يتكلم عن المادة وكيف جاء الاختبار لهم

المقرر سهل .. فقط متابعة مع الدكتور من بدري والاسئله سهله جداً

اول فقره كانت عباره عن قطعه خارجيه وسهله وواضحه مدتها لا تتجاوز 4 دقائق وكان عليها 10 اسئلة

تسمع الاسئلة بصوت الدكتور ويقرأ بشكل واضح وبطيء .. بعد ما ينتهي من القطعه يقرأ الاسئلة وعندك الاجابات فقط في ورقة الاسئلة وتختار الاجابه الصحيحة وتضللها في ورقة الاجابة ..

بعد ما يخلص من الاسئلة يرجع يقرأ القطعه مره ثانيه للتأكد من اجاباتك ..

بعد الانتهاء من الفقره الاولى ينتقل للفقره الثانيه وهي عباره عن Reductions

10 فقرات وكانت واضحه جداً وجاب لنا اسهلها واوضحها !! اعتقد الأغلب اجاب عليها اجابات صحيحه ..

ثم ينتقل للفقره الثالثه Vocab
جاب لنا 20 فقره من الكلمات تسمع الدكتور ينطق جمله ويطلب معناها وكانت سهله وواضحه !!

بعدها ينتقل للفقره الرابعه Cloze

جاب لنا 20 فقره !!
تسمع الدكتور ينطق الجمله كامله وموجود عندك بالورقة كلمة ناقصة ولكن الدكتور ينطقها كامله وانت تركز في الاجابات للكلمة الصحيحة من نطق الدكتور !! وكانت سهله وواضحه !!

الفقره الأخيره عبارة عن conversations ( محادثات قصيرة )

ونفس اللي موجوده بالمحاضرات ما طلع ابد وجاب لنا 10 فقرات

وبعد الانتهاء من جميع الفقرات يتم اعادتها مره ثانيه بنفس الطريقة الأولى ..

عموماً المقرر من امتع المقررات اللي درستها مع اني كنت متخوف منها !!

ان شاء الله وضحت الصوره لكم ،، تمنياتي ودعواتي للجميع بـ A+

موفقين

--------------------------------------------------------------------------------------------------------

هذا جدول فيه اختصارات Reducations من المحاضرة الاولى ( 1 ) الى المحاضرة السادسة ( 6 )

http://im37.gulfup.com/ZKxLT.jpg

http://im32.gulfup.com/A4gsT.jpg

http://im32.gulfup.com/7uyvA.jpg

http://im33.gulfup.com/cenZD.jpg

http://im33.gulfup.com/PitHk.jpg

http://im33.gulfup.com/13yMC.jpg

http://im33.gulfup.com/j1Uz9.jpg

http://im33.gulfup.com/6RwrI.jpg

الى ماتطلع عنده الصور انا رفعتهم في المرفقات في ملف مضغوط لحالة

----------------------------------------------------------------------------------------------------------

وهذا رابط لموضوع بيسان بطريقة كويز فيه ملف صوتي للدكتور والاسئلة وتابعو الطريقة واختبرو انفسكم لمن تشوفون انفسكم متمكنين من المادة

http://www.ckfu.org/vb/showthread.php?t=527996

نصيحة

يا اخوان المادة هذي طبقو انكم تختبرون انفسكم بكويز بيسان واي كويز غيره

والملف الى رفته لكم اختبرو انفسكم برضو فيه عشأن تتعودون على صوت الدكتور وعلى طريقة الحل للأختبار النهائي

هذا الى قدرت استخرجه في هالكم ساعة واذا ذاكرت المادة

وعرفت طريقة مختصرة لأشياء معينه او ملخص او اي شي اخر بلغتكم

بالتوفيق للجميع ان شاء الله