لا احد يزعل مني ومن الكلام اللي راح اقوله
انا موظف وما فتحت ولا محاضرة بالرغم من اني اسبوعيا كنت انزلها محاضرة محاضرة لكل المواد
وما ذاكرت الا يوم نزلت الجداول يعني قبل الاختبارات بـ 40 يوم بالضبط
وضغطت نفسي فيها صح
لا تلفزيون ولا بلاي ستايشن ولا نت ولا خرجات ولا اي شي غير مذاكره
من صباح رب العالمين الزملاء في الدوام قر قر قر او جرايد وانا على المذكرات وهاتك حفظ
وكل يوم من فصل او فصلين في المادة الين اخلصها في 8 ايام او 10
واروح للي بعدها والحمدلله ما جات فترة الاختبارات الا وانا مختم كل المواد
وبس جالس اراجع فيهم الحين قبل كل اختبار
خلونا نقول الحق
كان معانا وقت اكثر من كافي لكن اللي ما بدأ المذاكرة الا قبل الاختبارات بكم يوم معليش مايلوم الا نفسه ولا احد يزعل مني والحق لازم ينقال
انا كنت مضيع ومطنش ومن جنبها بس الحمدلله صحيت بدري وكنت طول الفترة اللي فاتت قلقان وعتبان على نفسي اني مفوت الفترة كلها وجاي الحين اذاكر ولكن لحقت نفسي والحمدلله
الحين اللي فات مات واللي صار صار
لازم من الترم الجاي الكل يبدأ صفحة جديدة وينتبه ويشد على نفسه وانا اولكم باذن الله
اتمنى تتقبلوا كلامي بصدر رحب
اخوكم محمد