ملتقى طلاب وطالبات جامعة الملك فيصل,جامعة الدمام - عرض مشاركة واحدة - اسئلة اختبارات اسئلة اختبار مباديء اقتصاد نموذج d

ام فهووودي · 2014- 5- 12

اقتباس:

المشاركة الأصلية كتبت بواسطة esloby

حسبي الله ونعم الوكيل :(

عساه للكساد اللي مايفكه منه لا إنفاق حكومي ولا سياسات نقدية ولا تسرب وحقن <-- مادري منين جايبين هالمصطلحات السامجه قال تسرب وحقن قال!! أحس إني واقف على بير!!

الله يخفض صادراتك ويرفع وارداتك ويقلل إنتاجك .. عساك للتضخم والعجز وإقلاع منحنى الطلب إلى أعلى مايمكن الوصول إليه!!

قل آمين الله يجعل ميلك الحدي للإستهلاك = 6 ملايين والميل الحدي للإدخار = - 7 ملايين وخل مضاعف الإستهلاك ينفعك

وش أقول بس خانتني الكلمات الجزئية والكلية :( نضبت مواردي الإقتصادية..أحتاج قرض معنوي داخلي أو خارجي

مذاكر زين الحمدلله والدخل المعلوماتي كان ممتاز وكنت أعيش مرحلة رفاهية إلين دخلت وشفت الأسألة وحليت الحمدلله بس كيف حليت؟؟

حليت عن طريق المعادلة التالية
( حقرة بقرة قلي عمي عد العشرة / الحاسة السابعة * 100 )
أول مره أحل بهالمعادلة منذ أيام الروضة... وأهلاَ أهلاً بالعيد ...مرحب مرحب بالعيد

بس أبعلمه من قوة المذاكرة حتى الدعاء صار اقتصاد كلي :( ماقول إلا الله يسامحه والحمدلله رب العالمين على كل حال..

المشكلة المنهج طويل ومعقد... والمدرس نفسه من طول المنهج قاعد يشرح بسرعة موب قادر يلحق.. أجل كيف نبي نذاكر حنا؟؟ إذا أنت تشرح وموب قادر تلحق ,,,أجل حنا يبينا ست سنين عشان نذاكر.... وياليتك قدرت هذا الشيء وسهلت علينا الأسألة.. إنا لله وإنا إليه راجعون والحمدلله على كل حال

والله تابعت ال 14 محاضره ما نمت مواصله ع المذاكره واشهد ان هجهوج

مايعرف يشرح هههههههههههه مره يفحس يده ومره يطيح المايك ومره يتغزل بعبدالله

قسم ان محاضره 6 مافهمت من شرحه شيء كله غلط بغلط

الله المستعان بس

لا تكرار نماذج ولا برد قلوبنا بشرح وافي

اذا وقف عند موضوع يعجبه يشرحه نص المحاضره واذا مافهم يعدي ويقول ارجعو للكتاب

انت بنفسك يادكتور ترجع للكتاب وانت شارحه اكثر من مره

كيف احنا اللي اول مره نتعلمها

طيب وضح السوال دكتور هجهوج ماعندي عباره اقولها لك سوا روح روح روووووح

الله يهديك