اخوي dhema577 ...
اول شي احب اقول الله لايشكر فضله ولا يكثر خيره ....
مشكلتنا ماكانت في صعوبة الاسئلة ولا صعوبة المادة ....
مشكلتنا لما يجي انسان مريض نفسي ويطلع امراضه النفسيه علينا ...
انا عندي تعطيني المنهج كامل مثل مادة القانون وتعطيني اسئلة واضحة من غير لف ودوران تدل على اني ذاكرت المادة زين ... واعتقد هذه الفكره من التعليم ...
لكن تحذف لي نص المنهج وتعطيني اسئلة ماتدري ايش تبغى .. اسئلة متاهات ومتكرره بشكل غريب وتعقيد ماله داعي ... هذا مو تعليم هذه قلة حيا ..
خليك انسان واضح من البداية في تدريسك للمادة مثل الدكتور علي الزهراني الله يسعد قلبه قال مافيه شي محذوف ماعدا كم صفحة المنهج كله معاكم ومثل ماكان واضح في تدريسه كان واضح في الاختبار ..
لكن هذا اصلا جلسنا من بداية المستوى الى يوم الاختبار واحنا نسأل ايش المحذوف وايش اللي معانا ... معانا ثمانية محاضرات وسبعة فصول .. ولا سبعة محاضرات وثمانية فصول .. والمحاضرة السادسة محذوفة والفصل الخامس مو معانا ..... متاهات في التدريس ومتاهات في الاختبار .. !!
انا من الناس اللي الكتاب عندي واللي ذاكرت المادة زين .... لكن فيه اشياء مر عليها مرور الكرام في المحاضرات مجرد امثله بسيطه ولا تعمق فيها ... وتعمق فيها في الاختبار ..
تقول اللي مو فاهم المادة لايلوم الدكتور على صعوبة الاسئلة....
لما تجي تعطيني دروس وتبسطها وتقولي 1 + 1 = 2 وتعطيني امثله واضحه وبسيطه ..
وتجيني في الاختبار تقولي كم مجموع 1 + 2976 - 576.876 * 6687 / 32 ( 8979 ) = ....
وتطلع النتيجة برضه 2 يعني كان بأمكانك تقول 1 + 1 = كم ؟ مثل مادرستنا ... هذا مجرد مثال لاحد يجلس يحسب ..
ياغالي انا ماافكر في النجاح وبس انا افكر اخذ درجات اوكي والحين صرنا نقول زين لو نجحنا ..
قال ايش يصير في عمار لو جلس يدق في الكبسه كل يوم ... ؟
ايش بصير بينفقع ...
يوم شفت السؤال قلت في نفسي الله على من كبسك في قدر ضغط حق ذبائح لييييين توصل للنهاية العظمى ....
لو احنا فعلا مثل ماانت متصور ماذاكرنا المادة .... طيب اشمعنى مادة القانون اللي هي ضعف المادة هذه يمكن اربع مرات في فصولها وموادها .....
و 100 سؤال ليه مااحد طلع يشكي منها ؟ اذا عرفت الجواب تعرف ليه احنا حاقدين على الدكتور المريض هذا ..