السلام عليكم جميعا والله ماحد يقوم من مكانه .. من زمان ماكتبت وخلوني ابدع .. بالنسبة لي اختبرت امس تتابعيه واليوم ابداعيه طبعا وجه نظر خاصه ( ان التتابعيه يدرسونها قبل الابداعيه مو العكس ليه انا اقولكم ليه لان الاوله حرفيه بنسبه كبيره يعني تجيب الكلمات والمعني وتوكل على الله يعني سهله ولا تحتاج تخصص اما الابداعيه فهي احترافيه طالما فيها ابداع وتجيب المعني بشكل ابداعي وابتكاري مثل ماقالت الخبله ذيك " اذا كان لديك فكرة وماتعاملت معها بشكل صحيح فا انت تتخيل ولست تنتج او تبدع والحكي المليان هذا .. خلاصه الكلام خلونا اول ندخل جو الترجمه بالكلمات والمعني ككل وبعدين شوفو الابداع ولكن الحمد لله اني خدعتك ياحليمه واخذت التتابعيه امس وتابعتها صح ان شاء الله واليوم بفضل من الله ثم كل من ساهم بكلمه او معلومة تفيد الجميع ابدعت ايما ابداع وكاشخ ياحليمه وجايب سؤال من التتابعيه انني لك بالمرصاد هع أسال الله لي ولكم التوفيق والنجاح بالدرجات اللي فوق التوقع .. واخيرا وليس اخرا بالنسبة للتصميم الابحاث انصحكم تركزون عالمحتوى مو طويل فيه نقاط مهمه جدا للاختبار وايضا لمشروع التخرج مثلا: لازم تعرفون وش النقاط اللي تجي في الابستراكت والمقدمة والنظرة الادبية .. والخ يعني وانتو تذاكرون اذا مريت على شي تقول هذا لازم اعرفه عشان اسوي بحث ولا لا وانت ماشي .. وفيه ملف لاضافات الفريدان اتوقع لازم يكون عندكم مهم تمرون عليه عشان تتضح الصورة... وتشوفون الفرق الواضح بين الاختيارات في اسئله الفريدان واسئله حليمه بتشوفون شي ماينشاف شيف يعني في اجابات تقول انا هنا بس اهم شي شوي تركيز اكثر شي تفلسف فيه الاسبلنق بشكل يفوق الوصف وهذي حيلته الوحيدة لان المقرر واضح ويالله هاكم سؤال وش الفرق بين كولتي وكوانتتي هذي من عندي جايتكم واذكر سؤال يقول كيف يتم تقييم البحث ؟ .. والانتحال ماهو ؟ تاخذ شغل وافكار غيرك وتكشخ وتقول انا ابو الافكار وانا جايبها وانت نصاب ( بديت اشطح انتبهو لي ) ادري طولت بس هذا حق الاسبوع كامل والله تمنيت ادخل التجمعات اللي ماتتفوت بس دوامي مسبب لي مشاكل عاطفيه ولكن الله كريم ومايضيع تعب احد .. نراكم بعد الابحاث وانتم مبسوطين ومن ثم ننتقل الى المسرحية ومن الحين (تتابعيه ) الى ذلك الحين (ابداعيه ) نشوفكم على خير .دمتم متفائلين ...