صباااح الليل بالحر و الغبار الممتع الرونق الشيق كيفكم أخباركم ؟ كيف الأختبارات وياكم ؟ انا مهرجان حسانا فلّه اول يوم كان حلو ثاني يوم لحظه اتذكر اشوف الملزمه نسيت والله كيف حليت ثالث ماده علم النفس الفسيلوجي هذي أُولاّاا لاّاااا رابع ماده تصميم كنت اتوقع إنها بتلحق علم النفس لكن هه مشت بسلام يبقى لي 3 مواد بشد حيلي لين ينقطع ماارح اسحب يمال السحّاب يسحبني ويقطني من خصل اخلاقي الحميده ما أفضّل اشوف احد اعرفه بالمركز مافيييني حيل صاكني رهاب اجتماعي لا أسلم ولا أتكلم يالله يالله لبست عباتي يالله مشيت يالله حطيت شيلتي على راسي على طاري راسي ما انسى مره قالت لي وحده من المراقبات شيلي الشيله احتياط يعني انا مستوعبه الوضع عشان لا يقولون اغش بسماعات وكذا , لكن سويت دور الفغيره انو ليش شفيكم وتجي مراقبه ثانيه وكلهم يتجمعون فوق راسي عشان اشيل الشيله من فوق رأسي حسيت بشعور حزام الناسف مدري ليه وشدخل لكن فيني ضحكه وانا ما ابغى اشيل الشيله لان شعري مو مبللول إلا تقولون مغطوس ب الماء وصراحةً خفت على نفسي من البراد ومع ذلك ما قدروا حرصي على نفسي ونزعوا حجابي * كيف دراما كوين بالله * لحظه قبل سالفة الراس وش كنت اقول إيه عن الرهاب الأجتماعي إلي جايني المهم إني نسيت السالفه للأمانه لاتذكرت وعد اقولكم قبل لا اطلع لفت انتباهي احد مشجعات برشلونه اليوم صراحة يعني كان الوضع محتدم كان يجب على ميسي يجي بشخصه وينصحها الله يهديها مقدره انا حسها الكروي وميولها الحياتيه البرشلونيه لكن ماتصل تلبسين مع تيشيرت برشلونه إلي لونه احمر وازرق الله يكرمكم شوز فلات لونه اصفر واخضر انتي شمهببه شمغبره اختي الكريمه انا كان تجاوزت الموضوع وماعلقت لكن انتي فاتحه العبايه وبحكم اناقتك كنتي تستعرضين أتعبتي اسبانيا بكبرها ي أٌخيه .. :
-تنهيده- وكان العشم أكبر .. عسى ماجيت في وقتٍ لغيري .