المشاركة الأصلية كتبت بواسطة إلهامااات

حكاية اﻻميرة النائمة:
كان ياما كان في قديم الزمان..ملك وملكة حزينين عشان ما عندهم اطفال..بعد سنين جابت الملكة بنت حلوة وامورة..قاموا سواا حفلة عزموا فيها كل الخلق والجنيات..ونسيوا يعزموا الجنية الكبيرة..المهم حضر الجميع والجنيات الطيبات اتمنوا للبنت امنيات طيبة..والجنية الكبيرة قالت لما البنت تكبر ويصير عمرها 16راح"تطز" يدها باﻻبرة وتموت..عاد الملك والملكة صاروا يبكوا ويتحايلوها..الله يخليكي غيري امنيتك.. والله نسينا نعزمك..والجنية الجنية مو راضية تغير..المهم حزنوا الجنيات الطيبات وقالوا مانقدر نعطل امر الجنية الكبيرة..لكن اﻻميرة ماحتموت انما تدخل في نوم عميق ل100 سنة..المهم..امتعم..ابلع ريقي ﻻ تهتموا ههههه....الملك والملكة حرموا دخول جنس ابرة في البيت..وفي يوم من اﻻيام لما صار عمر اﻻميرة16..راحت الغابة وشافت وحدة حرمة كبيرة تخيط واﻻ تغزل قالت لها اعطيني اسوي زيك..بس وهيا راحت لقدرها..وخزت..وخزززت كنت ادورلها نفسها باﻻبرة وطبت نايمة..شالتها العجوز ومددوها على سريرها..والجنيات خلوا كل شي في القصر ينام لمدة 100 سنة عشان لما تصحى اﻻميرة ما تلقى نفسها لوحدها..عاد جا امير ضايع وشاف النيا نوم وشخير..استغرب..دخل يفتش لقي اﻻميرة اﻻمورة نايمة وباسها اﻻ هيا صحيت وحبها وحبته..وصحى العالم النايم واتزوجوا وعاشوا في تبات ونبات وخلفوا صبيان وبنات..