السلام عليكم ورحمة الله وبركاته ..
مساء الخير جميعا .. اتمنى للجميع النجاح والتوفيق
موضوعي بخصوص الطباعه .. وطريقة تعبئة حبر الطابعه
في البدايه لابد من توفر عدة الشغل وهي .
1- علبة حبر لون اسود
2- ابره لحقن الحبر .
3- علبة الحبر الخاصه بالطابعه .
كما في الصوره
بعدها يا طويلين العمر .. نجيب الابره ونسحب تقريبا 5ملم من الحبر ( يمكن تحتاج اكثر من 5ملم )
بعدين نجيب علبة الحبر الخاصه بالطابعه ونلاقي فيها فتحه صغيره غير ظاهره لكن بالابره راح تطلع
اذاضغطت على العلبه راح تنفتح الفتحه ...
طبعا يتم ادخال الابره لاخر مدى توصل له ، ومن بعدها يتم ضح الحبر داخل العلبه الى ان ... يطلع الحبر من نفس الفتحه ...
خلاص هنا نشيل الابره وننضف العلبه ومبروك عليكم الحبر
طبعا الشرح هذا خاص بالحبر الاسود ،،، بالنسبه لعلبة الحبر الملونه فالموضع مشابه بالضبط لكن مع اختلاف اماكن الفتحتات
اماكن الفتحات في العلبة الملونه ..
1- نفس مكان العلبة الاولى .
2- في المربع اللي تحت على اليمين .
3- بين الرقم 22 على اليسار ..
المشكله هنا بالنسبه للالوان :: هي عدم توفر الوان الحبر في المكتبات
انا حصلت الاحمر والازرق لكن اصفر ما اتوقع فيه ومدري من وين احصله عشان كذا لغيت فكرة تعبئة الالوان ..
ملاحظة مهمه :: ليتم الامر بالطريقة الصحيحه وحصول نتيجه مرضيه يفضل ان ما يكون الحبر خلص من العلبة حقت الطابعه من مده طويله يعني باحد اقصة 4 ايام ..
لان مكان خروج الحبر مع الوقت وعدم الاستخدام ينشف ويقفل الفتحات وما يطلع الحبر منها اذا تمت التعبئه ..
وهذا رابط فيه الصور بحجم اكبر
فائدة الموضوع :: هي دفع اقل مبلغ لشراء الحبر
التكلفه الاجماليه هنا 13ريال .. 12 ريال قيمة علبة الحبر ، ريال قيمة الابره
بينما لو تشتري علبة جديده راح تكلفك 70 ريال ، ولو تعبي العلبه في المحلات راح تكلفك 20 ريال
بالاضفاه الى ان العلبه راح تدوم معك لاكثر من 9 مرات تعبي فيها الحبر ..
بالعربي ابي عمولتي
اتمنى يكون الشرح واضح ومافيه صعوبه ،،، وبالتوفيق للجميع
دعواااااتكم الطيبه ...
منقوووووووووووووووووووول
انا ماانصح بتعبئه العلبه بالكامل
نص العلبه افضل انا جربتها وضبطت معي