|
رد: هنا المراجعة النهائية لـ طرق البحث وتصميم الأبحاث
هنا شرح المتغيرات
طيب .. بسم الله
بالبداية لازم نعرف إيش معنى كلمة Variable
هي المتغيرات اللي ممكن تأثر على نتائج بحثنا
سويتي بحث مثلاً عن [رأي المعلمين في استخدام الكمبيوتر في التعليم]
بعدين عبولك استبيانات وطلعت عندك نتايج/ ناس مع وناس ضد
بعد ما وصلتي للنتائج تبين تعرفين سبب إن المعلمين كانوا أغلبهم مع أو ضد ..~
فممكن إنك تشوفين أعمارهم ..
طلع عندك إن المعلمين اللي مع أعمارهم صغيرة وهم اللي أيدوا أكثر
و المعلمين اللي ضد أعمارهم كبيرة ويمكن ما يناسبهم ذا الشي
مع الحوسة ذي كلها، وين المتغيرات؟
أول شي/ آراء المعلمين
ثاني شي/ أعمارهم اللي ممكن إنها تكون أثرت على رأيهم
طيب .. طبعًا أكيد مو أي نتيجة تطلعلنا بأي بحث سببها عمر المشاركين 
ممكن يكون المتغير اللي أثر على النتيجة [الجنس/ ذكر ، أثنى] ممكن يكون عدد سنوات التعليم ممكن يكون الخلفيات الثقافية
بس لما بتسوين بحث أو إحصائيات عن شي معين الدكتور قال لازم من البداية تحدد المتغيرات اللي أنت بتقيس عليها
أنا بختار المتغير [العمر] عشان أشوف آراء الناس المختلفة اتجاه الشي هذا
طيب نرجع للسؤال وش الفرق بين الـ Independent Variable والـ Dependent Variable
الأول/ يعني المتغير الثابت أو المستقبل ، الثاني/ المتغير المتغير  أو اللي يتأثر بالمتغير الآخر
Independent = ثابت مستقبل / Dependent = تابع أو متغير أو مشروط المهم إنه مو ثابت
the dependent variable is : A- the variable that is affected by the independent variable
المتغير التابع / هو المتغير الذي يتأثر بالمتغير الثابت
بالنسبة لمثالنا اللي فوق / آراء الناس متغير غير ثابت أو تابع dependent
أعمارهم .. متغير ثابت independent
أكيد إنه عمر الناس هو ممكن اللي يأثر على آراءهم .. بس آراهم وش بتأثر على عمرهم .gif "(269)")
نفس شي [لسنوات التدريس] متغير ثابت ما راح يتغير عدد السنين اللي درسوه بناءًا على رأيهم
لأ العكس رأيهم يتغير بسبب خبرتهم وكذا
نفس الشي الخلفية الثقافية .. متغير ثابت .. وهكذا 
ممكن السؤال يجي مشقلب كذا
The independent variable: is the variable that affects the dependent variable
Affects= يُأثر
Affected by= متأثر بـ
|