ملتقى طلاب وطالبات جامعة الملك فيصل,جامعة الدمام - عرض مشاركة واحدة

taallaall · 2014- 5- 16

اقتباس:

المشاركة الأصلية كتبت بواسطة هيفاء 3

ياجماعه كلنا نفسنا بالتميز ومرتبه الشرف كثره شكاوينا قلبت الدكاتره علينا خلاص دامه سؤال معوضين باذن الله

اولا هو سؤال واحد وبس

لحد الان اعتقد ان الاسئلة اللي عليها كلام وصل عددها الى خمس اسئلة اي ما يوازي سبع درجات

اي اني حتى لو ضمنت باقي الاسئلة كلها صح

فراح انزل من a+ الى a

وبعدين لو كثرة الشكاوي ما فيها شيء ممكن ادارة الجامعة تصحصح وتنتبه على الدكاترة واللي يسوونه في الطلبة

وتحط لجنة للتدقيق على الاسئلة قبل ما ينزلونها لنا وتنعدم الاخطاء الاملائية والاسئلة من خارج المنهج وغيره

والاسئلة التعجيزية ...... (الدوغانية)

نظام ما راح تنجح عندي ابد ومو انك تحلم بالتفوق احلم انك تعدي بس

يعني عاجبكم اللي يسويه الدوغان وشلته

اسألوا الجميع ما في احد يذكره بخير الا كل الناس تدعي عليهم حتى المجتهد منهم

(علماً بأن دينا الحنيف يحثنا على الصبر والسماح والدعاء للغير بالهداية وعدم معاونة الشيطان على اخيك المسلم)

وبعدين قالوا في الامثال: ايد على ايد تودي بعيد

ولا تقول انا عديت المادة وما علي من غيري

يمكن زميلك يحمل المادة وراح يعاني الترم الجاي من نفس المشكلة لأننا ما تساعدنا وتكاتفنا مع بعض

وممكن تعاني نفس انت من نفس الموقف مستقبلاً في المستويات الجاية

لان في ناس سلبيين كانوا قبلنا وصار لهم نفس اللي صار لنا

وكانت النتيجة انهم

ما سووا شيء وتعاملوا مع المشكلة بسلبية وجبن فلا اشتكوا ولا تظلموا

وكانت النتيجة انها طاحت على راسي وعلى راسك

لان الدكتور ظل على ما هو عليه

وتجبر لانه اعتقد انه ما في احد يقدر يحاسبه

على الاقل يا اخى ازرع وخل غيرك يحصد يمكن اللي يجي بعدنا تتحول الظروف احسن لهم ويدعيلك بظهر الغيب وحتى لو ما دعى اجرك يجيك

تدرون ليه؟

(ابي اقولها واجري على الله)

لانكم ما كنتم سلبيين ولا انهزاميين في التعامل مع هذا الموقف ووقفتم بشجاعة وقلتم اننا لازم نحط حد للموضوع

واذا ادارة الجامعة ما سوت لكم شيء وكانت سلبية في التعامل مع هالمشكلة

فلا تزعلون ولا تضيقون على صدوركم ..... ليه؟

لان:

اولاً العوض على الله ومنه فقط

ثانياً فقد اعذرتم وانتقلت من ذمتكم الى ذمتهم

وثالثاً رزقك ومكتوب لك

وأخيراً

نسأل الله التوفيق والسداد لنا ولكم في امور الدين والدنيا