المشاركة الأصلية كتبت بواسطة saooh_664

زي مالحظتو في الاختبار احتوائه على فقرات غير مشروحه في المحاضرات اللمسجله او مذكوره في الشرايح مثل الاسئله على برنامج اكسل وغيره كم سؤال ،مادري ليه الدكتور طلع من المنهج وحط الاسئله كذا،هذي الطريقه طبعا مقاربه لحركه الهجهوج لكن الفرق هذا سهل الباقي الاسئله عكس الهجهوج ا.وشرايكم نرفع شكوه لان مابقى وقت ومده الشكوه لازم تكون قبل 24 ساعه من انهاء الاختبار
احد عنده راي ثاني يتفضل ويطرحه علينا.

المشاركة الأصلية كتبت بواسطة saooh_664

وجود اسئله خارجه عن المنهج والمواضيع المعتمده والمشرحه في المحاضرات المسجله والسلايدات ولم ينبه الدكتور عنها من قبل
وشرايكم ترا اكره ماعندي التعبير واحد يزبطه بطريقه اجمل

المشاركة الأصلية كتبت بواسطة full HD

استغرب لكثير من الاخوان يشيدون لاختبار التقنية اليوم ويقولون أنه سهل وواضح عليه

ان الدكتور معقد الاسئله ويعتبر أصعب أختبار مقارنة بالسنوات الماضيه

وجاب أشياء كثيره من خارج المنهج وانا متأكد أن بعضكم راح ينصدم بنتيجة أختباره

لكن بعد فوات الأون ... نصيحه أخويه لازم تقدم اعتراض للماده قبل فوات الأون .......

مع وافر تقديري

المشاركة الأصلية كتبت بواسطة full HD

وهذا ما تقدم به لدى عمادة الجامعه ما عليك الا تنسح وألصق ... الهمه الهمه ياخوان

حتى لو كنت ناجح زيادة الخير ما راح تضرك .....


السلام عليكم ورحمة الله وبركاته
سعادة مدير وأعضاء عمادة التعليم عن بعد

اتقدم بملاحظتي على أختبار تقنية المعلومات 1 حيث أن الاختبار تطرق به الدكتور لعدة اسئلة ومواضع لم تكون مدونة في محتوى المادة ولم يتفوه بها في محاضراته المسجله مما لا شك فيه أن هذا مخالف لما ترآه قيادتكم الحكيمه في العدل والانصاف نحو المرفق التعليمي ... نأمل منكم النظر فيما يتعلق بذلك وموفتنا بحيال ذلك ..اشهد الله عليكم.. والله خير الشاهدين

المشاركة الأصلية كتبت بواسطة Bodoranem

ليه عيب نرفع شكوى نبي درجات انا الحمدلله معي شهادة حاسب ومافيه اسهل منه
ومع كذا لخبطت الدنيا من اسئلة اللف والدوران من غير اسئلة الاختصارات الي ماشفتها
بالملخصات ع الاقل نتذكرها لو شفناها وبعدين انتم تقولون من الاسئله الي قبل طيب والي اعتمد وذاكر
محاضراته وش يستفيد بالاختبار كان وفرو علينا كل ذا التعب وقالو ذاكروا الاسئله

المشاركة الأصلية كتبت بواسطة hessa_040

انا بصراحه ماحليت زين وعقدني وعلى فكره انا معي شهادة حاسب فيه اشياء فعلا ماهي بالمنهج ؟؟

المشاركة الأصلية كتبت بواسطة hessa_040

انا ما اعتبره سهل ابدا كانت طريقة اسئلته فيها تشتيت بعض الشيء نفس طريقة الهجهوج الله يسامحه يخليك تشك باجابتك حتى وانت واثق منها وانا ما احب هالاسلوب لانه يضيع الطالب :(

المشاركة الأصلية كتبت بواسطة abdullah albakr

ولله اني مذاكر الكتاب واسئله الملخص والكويزات بالمنتدى شويه عقل ياناس وربي قفلت معي بالامتحان
يقولون سهله قسم بالله قهر حاط لي اسئله عملي. درست الاكسل ايام الثانوي مومعقوله المفروض ينسق ويبسط الاسئله اصحووو انت وياه تراه انتساب اوف

المشاركة الأصلية كتبت بواسطة turki1400

ههههههههههههههههههههههه والله انا استغرب من اللي يطبلون ويكسرون مجاديف الطلاب

واللي يقول عيب ترفعون شكوى والثانية تقول محد بيعبركم والثالث يقول ذاكروا والرابع الدعوة ماهي لعب اي شيء شكوى

والله ماتستحون شينين وقويين عين

ياخي انت وياها وهو ما تبون ترفعون شكوى معنا نقطونا بسكاتكم ولا تعلقون على الموضوع

على العموم تم رفع شكوتين على التقنية وان شاء الله ناخذ الدرجات المستحقة لنا

واتمنى من كل قلبي ان المعرضين ما ياخذون درجات لانهم ما اشتكوا عشان يقشرون بصل وينفعهم المشي عكس التيار

نسأل الله التوفيق لنا ولكل المعترضين فقط

المشاركة الأصلية كتبت بواسطة salas

فيه اسئلة غير مطابقة للمحتوى ولا المحاضرات ولو انه سؤال واحد.. ورفع شكوى حق من حقوق الطالب اذا تركه ان دل على شي يدل على خلل في تفكيره وتصرفاته ولا يستحق انه يدرس بجامعه ..
المادة من ثلاث ساعات والي مايدري وش تسوي هالثلاث ساعات بالمعدل لا يكمل دراسه ..
الترم الماضي تم تعديل درجات الاختبارات لاخطاء في الاجابات و الطباعه بعد الاعتراض ..