السلا عليكم ورحمة الله و بركاته
اخواني واخواتي الطلاب
بصراحه المنتدى صار يخوف ويجيب الهم من كثر السلبيه اللي فيه وكل اختبار تبون ترفعون شكوى واذا الاختبار صعب قمنا نحسب على الدكتور وخلينا كل شيء سيئ فيه ولما نجي للواقع مستحيل طالب او طالبه مبتدئين دراسه من اول السمستر راح يصعب عليه شي او راح يطلع من الاختبار وكل همه يرفع شكوى او يقول حسبي الله على الدكتور فلان لهذي الدرجه صارت كلمة ( حسبي الله شي سها وتنقال بكل مناسبه) انا لا انكر ان في دكاتره أسئلتهم صعبه الله يهديهم ويهدينا بس هذا مايعطينا الحق ان نسب ونشتم ونحط بلاوي الدنيا فيه
شوفوا الدكتور الدوغان كل سمستر تجي له شكاوي غير الاسئله سهلها كرررها طبعا لا فبدل مانقول حسبي الله عليه او على غيره نقول الله يهديه الله يرزقنا اسئله سهله ندعي له
اما تجي قبل الاختبار بيوم ام يومين مثل حالتي وتدرس وتزفت بالاختبار هذا مشكلتك ومشكلتي
وبعدين على بالكم الدكاترة مايدخلون المنتدى ويشوفون الكلام اللي يطلع عليهم فاكيد بيصعبون الاسئله
ياجماعة الخير نبي طاقات ايجابيه نبي تحفيز مو تحطيم
من جد علي اختبار بكره من كثر التحطيم ماقدرت ادرس وبعدين في طلاب مستويات ثانيه لو يشوفون هالتحطيم بطلوا دراسه
وفقني الله واياكم وياعساكم كلمم ايجابين