المشاركة الأصلية كتبت بواسطة ريميه الخالدي

عندك 4 جدآول رآح تكون موجوده بـ الآمتحآن
آذآ طلب منك بـ السؤال القيمه المستقبليه رآح تستخدم الجدول 1 و 2
الجدول 1 رآح تستخدمه لو عطآك تدفق وآحد او عطآك تدفقآت غير متسآويه
طبعاً القآنون بيكون آعلى الجدول اللي عليك تدور على معدل الفائدة اللي بالسؤال مثلاً قال لك 10 %
تروح عند 10% في الجدول وعند السنه اللي قال عليهآ وتشوف العدد للي بيطلع لك وتضربه بـ C اللي هو القيمه الحاليه اللي تكون موجوده بالسؤال
وآذآ كآن عندك آكثر من تدفق تطلع جواب كل وآحد على جنب وبالآخير تجمعهم مع بعض زي المثآل اللي بصفحه 17 بملخص بو عبد المحسن

لو طلب منك القيمه الحاليه بالسؤال رآح تستخدم الجدول 3 و 4
الجدول 3 بيكون ل تدفق نقدي وآحد او اكثر من تدفق غير متسآوي وبرضو بتسوي نفس الشي بتدور على معدل الفائدة بالجدول عند السنه اللي ذكرها بالسؤال وتشوف العدد اللي بيطلع لك وتضربه بـ C اللي زي مآقلنا هو القيمه اللي تكون بالسؤال
وآذآ كآنت آكثر من تدفق بتحل كل وحده وبالآخير بتجمعهم مع بعض
الجدول 4 بيكون لـ التدفقآت النقديه المتسآويه


نعطيك مثآل
آقدمت شركة الروآبي إلى الدخول في مشروع إستثماري يدر عليها عائد 1500 ريآل بعد 4 سنوآت من الآن علماً ان معدل الخصم 7 % فما هي القيمه الحاليه لهذا المبلغ ؟

طيب هو طلب مني في السؤال قيمه حآليه صح ؟
يعني بآستخدم آي جدول إما 3 او 4
طيب آرجع لـ السؤال هل ذكر لي تدفقآت غير متسآويه ؟ زي مثلاً قال بالسنه الآولى بيجيني عائد 4000 والسنه الثانيه 5000 ؟ لآ
يعني يبي مني تدفق نقدي وآحد
الحين آروح لـ الجدول رقم 3 وآدور على عائد 7 % عند السنه الرآبعه بيكون معامل الخصم عندي 0.7629
بعد مااجيب هالعدد اعوض بالقانون مباشره
بقول PV= 1500*0.7629 =1144


إن شاء الله تكون فهمت ؟!
آهم شي تكون عآرف كل جدول بتستخدمه حق آيش + وش المطلوب منك بالسؤال
قيمه مستقبليه آو حاليه ؟ وكم تدفق عندك وآذآ كآن عندك آكثر من تدفق هل هو متسآوي آو لآ